不能愛上的星級女神2: 曖昧成癮症後群（下）

我們四人在倫敦比較高的餐廳酒吧吃晚飯，餐廳景色幾乎可以俯瞰倫敦全景，原本我也有想過如果可以和Candice二人一起，一定很浪漫。但如今不同了，Candice坐在我身邊，她對面是若嵐，原來我們三個人尷尬的關係，從來沒有解決過，只是今次並不是一個選擇。因為大家一早已經做了選擇，只是這個選擇，原來對我來說是這麼困擾。

「係喎，點解章小姐你會過咗嚟嘅？…」…她們在聊天，但我很心煩，連Candice想偷偷跟我牽手，我也迴避了，只是默默地吃東西和喝酒。只是剛吃完主菜，我便借程心做藉口先走：「程心約咗我去食甜品同飲野，你哋慢慢傾。」我放下了我和貓仔份量的英鎊給她，頭也不回獨自回酒店。Candice －直跟在我身後，直至回到我房間，她才開口。

「瑾瑜，你今日做咩啊？」
我把外衣脫下，坐在床上，她坐到我身邊。我想了想，問了她一句：「你有冇覺得自己同萬海昕超越左朋友嘅界線呀？」她望向我的眼神有點複雜、亦似乎有點糾結，考慮了一會，她嘗試想牽我手，但我拒絕了。
「我同萬若嵐都清楚，我哋只係好朋友關係，而家係，將來都係。」
「好朋友會有咁多好似情侶嘅互動？距離會咁曖昧？會咁照顧人咩？」我平靜又認真地問。她舔了舔唇，也認真地說：「你講得啱，係我地handle得唔好…」「Handle…我唔識分你咩handle唔handle，我淨係知你地拍咁大尺度嘅戲我已經唔係好舒服，但係我同自己講大家係朋友，你哋係演員，我唔可以咁大佔有慾。不過你哋而家咁，仲日日同一間房，你叫我可以諗你會點Handle啊？我唔想咁冇安全感架，但係自從Hilary講過你地有秘密，我就冷靜唔到，你明唔明呀朱浩婷？」我把此刻可以組織的說話都說出來，但思緒還是一片混亂。
「係咪我同你講咗個秘密，你就唔會再亂諗？唔係我唔想講，我驚講咗出嚟，你會更加冇安全感…」Candice烘近我低聲問。我目光呆滯，望向她：「我答你唔到，但係作為你男朋友，你有啲咩係唔可以同我講？」她深呼吸一大口，一手揉了揉眼睛，停了數秒，壓低聲音告訴我：「上次同你講過Hilary有我地把柄，我已經打算同你坦白。其實…喺若嵐撞返你之前，我同若嵐…上過床。」Candice和我對望著，猜不到，遇見我之前，她們真的不是單純追與被追那麼簡單。我還以為，若嵐和Candice只是好朋友。回想起若嵐在Candice被瘋狂粉絲騷擾那晚，將那份芝士蛋糕自己一口不留全給Candice，相反我出道那頓飯的芝士蛋糕，她真的一口也沒有打算留給我……原來，我根本不夠細心。





「瑾瑜，其實…」
「得啦，唔好再講…」我下了床，Candice撲到我身後，從後擁著我，伏在我肩上流淚：「唔係你諗咁架…」「我話唔好再講啦！」她把我擁得更緊，直接哭了出來。我心情很複雜，完全整理不到任何資訊。我嘗試平靜自己：「你知唔知你講完之後，我更加覺得我自己係第三者啊？而家呢一刻，我完全諗唔到，我應該點面對你同若嵐嘅關係。你俾啲時間我諗下？」
「瑾瑜…」
「我叫程心送你返去先…」…