願記憶可以再來多一次: 電話

你仲記唔記得果個電話?

其實果一晚我真係打算真真正正咁放底你

你同我講

你將來會搵到個更好既男人

你唔會再返轉頭



叫我唔好再打擾你

收左線之後    我又變返岩岩分手果陣咁

異常既冷靜   好似以為自己真係可以放底晒

好可惜既係   第2晚你就打黎同我講發生左?事

我唔知可以點   點解係我認為我可以放底你既時候  



你又再搵多我一次   你又令我唔放心比你離開

愛情對你黎講係盲目架

到無可奈何既係   我點都要比你離開

因為我令你太辛苦啦   對嗎?

不過我依然要做自己既承諾



呢個承諾依家諗返起或者又再一次傷害你   

對唔住呀  米妮


我話過我會再一次出現係你面前   如果可以  我想接你返黎我身邊

但係我真係好蠢    出現係你面前   只不過會令你不知所措

不過我出現後   我亦都同你講左一個承諾  

係我最後一次   自己會走係你面前搵你

我可以將我既禮物交到你手   已經好滿足



就算依家只係寄放係你朋友身邊    希望有朝一日

你會打開佢懷念一下過去    

一本相簿   一封信   二張卡