簡介

純粹FF,並非典型溫馨類散文,諗清楚先好入黎睇 (已完結)



我呢排喺度寫緊一個故事喺網上連載。我成日都埋頭苦幹咁寫,女朋友好支持我寫作。
如果寫得好話唔定可以出書添,所以我好努力。
即使我掛住寫文唔理佢,佢都只係間唔中埋怨我幾句。

為左寫好個故事,我會早啲送女友返屋企,但佢冇怪我,仲叫我快啲出文。
我都知其實佢心裹面應該好矛盾,要支持我做一件同佢有利益衝突既事。
佢都真係幾偉大,我好感激佢,一路都咁支持我,仲要幫埋我推post。

最近我真係寫到冇靈感喇,我要閉關自己諗下點寫好佢,我唔想俾任何人騷擾。
於是我連續幾日冇見女友,我唔知自己係咪寫到走火入魔,係咪因為寫文而搞到個人有啲失常。



我獨自喺房寫文,好少text女友,但係我都有keep住睇下我篇文有咩留言,然後要回應佢地。
始終寫一篇文擺上網,冇讀者有咩意思,我諗女友實會體諒既。

但係我好似發現佢變得沉默,我覺得佢係嬲,不過佢話佢唔係。
點都好,我知道佢都仲係好支持我寫作,我好放心。

可惜既係,我一路都冇靈感,用左成日,攪盡腦汁,都只係出到一篇文。
再係咁落去,我好怕影響我同女友既關係。



於是我諗左個兩存其美,又新穎既方法。
冇見咁多日,女友一定好掛住我。我決定約佢出黎我度,一齊食甜品,
一來等佢開心啲,而且我真係忙到只能夠抽出食甜品既時間。

佢黎到之後,我同佢講:
"BB,sorry呀,我好以腦閉塞左。" 
佢微笑:
"唔緊要啦,我有冇咩可以幫你? "

我就係等佢呢句,哈哈,


"好多謝你一直都咁支持我啊,我少左時間理你,你都冇唔要我"

呢個時候,我女友眼泛淚光,我望住佢閃亮既眼睛,
我好似見到幾種情緒:感動,傷心,愛。

我攬住佢同佢講:
"你放心,以後你都唔駛再匿埋喊,以後都唔駛再孤獨! 因為我永遠都會陪住你"

然後,我拎起枱上面既刀,對準佢條頸,一刀割左落佢喉嚨
唔駛幾秒,佢已經斷氣。冇呼吸既佢,依舊美麗動人。

我拎個樽裝起左佢啲血,再用鑽打開左佢個頭顱,然後用匙羹慢慢品嘗佢腦袋
雖然佢平時低低BB咁,原來個腦都唔細架,食到我好飽都未食完,唯有雪起佢
我相信我食左佢個腦之後,我會獲得更多靈感。
我知道我女朋友唔介意架,因為佢會支持我!佢會成全我!



作為報答,我當然要做返我所承諾既,無論幾飽都好,我都要咁做!
我劏開女友個胸膛,拎出佢既心臟,然後一口吞左佢。
BB,你永遠都唔駛孤獨,你永遠喺我心中,我永遠都陪住你!

我想像到我女友個樣,一定係好感動,好激動,流哂眼淚。
為左你,我可以做好多野! 

果然,食左我女友之後,我個腦得到雙倍效能,寫文速度加快,靈感急速湧現。
女友唔會怨我寫文唔理佢,我亦唔駛再為左忽略佢而內疚,因為我與佢同在。
哈哈哈哈,我感覺到我寫緊呢篇野時,我女友喺我身邊喊緊,
傻豬黎既,我寫文咋嘛,我一樣咁愛你架嘛! 
依家咁樣,不知幾溫馨, 啜啜 ?

所以話,有個支持自己寫作既女朋友係幾咁好。





I still love you although you have hurt me. Yes, you know I am talking to you.  - your girlfriend