Ch.12 Feliz Navidad! (聖誕快樂) 

Hea下Hea下,轉眼就到聖誕節。聖誕節前夕最忙既係要買一份禮物俾Miguel 同Isabel,忙既原因係我呢個交流生實在無乜錢,又要得體又要唔太貴,唯有走多幾間格下價。筆直200港紙以下,都俾我搵到 。俾我係到賣個關子,各位巴絲打一齊估下我買左啲乜  。 

 
 

呢邊既聖誕同哈利波特入面果個係好似架,除左有假放之外,係各地讀書既仔女都會好似榮恩咁返屋企同父母過。除左Lucia, Facundo佢地之外,有個Auntie 都成家大細黎左Roca。根據佢地既傳統,長輩都會買哂禮物俾咁多個細路,人人有份永不落空架,然後放係聖誕樹下係十二點既時候派。 

由於係大時大節,我地下晝就會整定哂啲野食同Set好哂成個場,咁個個都可以著到靚一靚咁食同倒數。 


 
有咩食?阿根廷式全盒內有糖、蛋糕、朱古力; 
 
正餐就係pre-made既燒豬,同香港果啲幾似 


同場加映 我第一次整沙律 


我直情Feel到Ignacio同我話「你算9數啦」 



當食左聖誕大餐之後,咁岩俾我捕捉到以下呢個時刻。係阿根廷,如果整asado(燒烤)既時候,往往都係「男人燒,女人洗碗」,就算係幾個10零歲既交流生搞個Asado 聚會,都會不經不覺咁跟左呢個文化。我有問過咁算唔算係Sexism? 佢地都覺得只係佢地文化之一,無咩唔妥,仲反問我「不亞洲唔係更多呢類野架咩?」 
 

搭正十二點,大家會 
 
"Salud!" (乾杯) 
"Feliz Navidad" (聖誕快樂) 
然後每人連續要食7粒提子乾,一粒都唔少得架,咁就應該來年會好運



自由奔放既國度,大時大節當然會順手放個煙花,賀一賀佢 



已有 0 人追稿