《自修室》

自修室對你嚟講係啲咩？

對大部份人嚟講，自修室係一個比佢哋安靜專注咁樣做佢哋自己嘢嘅空間。

安靜到連腳步都聽得一清二楚，每個人都埋頭苦幹咁努力緊。

正正因為咁樣令到我哋出現一種莫名嘅壓力，亦都加入佢哋一齊埋頭苦幹。

對我嚟講。自修室亦都都係咁樣。但直到尋日開始，自修室帶比我嘅意義，唔單止係溫書咁簡單。





我好似平時咁樣，帶埋我嘅溫習材料去到圖書館嘅自修室。諗住可以今日搞掂埋下個星期要考嘅試。

「咁鬼多嘢….點溫啊…算啦俾少少時間自己休息，打鋪機先..」

每日嘅我都係咁。

但係呢個時候，我注意我隔籬坐住一個女仔；吸引我注意嘅原因唔係因為佢，而係佢寫緊嘅嘢。

「礦物質…？bio嘢？」





我忍唔住繼續望住，直到望咗30秒之後發現：「原來PE！」

但係呢個時候我望一望個女仔；

原來….佢都望住我….

「好尷尬好尷尬好尷尬….」
我忍唔住笑，除咗因為好尷尬，亦都係因為佢笑得好靚。

唔係普通嗰種靚，係真係好靚嗰種。





靚到我唔敢望多眼。

佢對眼好大，好靚，除咗呢個字搵唔到其他可以形容。

我即刻小鹿亂撞。
「oh my god….. oh my god what’s going on…..!!!!! She’s so pretty though…….. holy shit what was I doing what the fuck just happened….!!! 」

短短嘅對視已經令到我嘅腦海一片空白，我都唔明點解會咁樣。


係因為好尷尬？係因為佢好靚？


我唯一知道嘅係，我真係好想繼續望佢；佢散發着一種莫名嘅吸引力，令到我成個人呆咗。





我個頭忍唔住慢慢轉過去；側住咁樣望，但係我又唔敢望住佢，所以就望住佢嘅筆記。

佢一路寫，我一路緊張。
「佢會唔會望我？」
我唔知我係想佢望我？
定唔想佢望我。
我嗰一刻仲係呆咗咁樣。

我嘗試控制自己望返自己枱。
但係我越嘗試，就越想再望佢。

唔知佢係一早發現？定係咁啱見到？

佢再次同我對視。




「omg omgomgomgggg wtf 」

我好尷尬咁：「hii…」
之後又忍唔住笑。
佢應返我：「hi」
之後都忍唔住笑。

兩個人冇望對方，但係都係因為望對方
而笑；笑咗好耐。

佢嘅笑容，真係好得意。








我諗…我一生都唔會忘記。