(青梅竹馬)逆。時光: (22)

「漫長漫長路間 我伴我閒談 漫長漫長夜晚 從未覺是冷」

現在的我，除了要面對明天的放榜，剛才發生的事情，也在我的腦海裹揮之不去。那一吻，只是單單為表感謝，還是需於一種暗示?唉，看來我需要喝杯水冷靜一下自己。故我步出房間，為的是一杯「忘情水」的打救。

「嗯?點解廚房燈開左?」我暗道。故我先到廚房關燈，為保護地球出一分力。

此時看到的卻是嘉欣在翻雪櫃。故我立即問道:「喂，咁夜重唔訓係到做咩?」

「唉，我肚餓呀。」



「下，咁快肚餓。唉，你依個為食鬼，點解食咁多都唔識肥架。」我只好無奈地嘆氣。

「唔，人地真係好肚餓丫麻，重有咩野食姐。」

「唉，怕左你。野食唔係無，不過要整，重好麻煩添，你試唔試?」

「嗯，試試佢囉。咁係整咩呀?」

「整蛋糕，拿，講明先呀，我都唔係好識架炸。」



「無問題，包係我身上。」

看來要找一樣嘉欣完全不懂的東西比有生之年看到柯南大結局更為困難。

「嘩，你做咩拎幾隻橙黎呀。」嘉欣驚訝地說。

「咩唔洗加d橙皮架。」

「......」



「......」

「拿，首先打蛋，記住要蛋白同蛋黃分開喎。跟住再......」嘉欣專心地向我解釋整蛋糕的每一個步驟。但你認為我會認真地聽嗎?未免太天真了吧。此時我目光專注於她的臉上，很久沒有試過這麼近看清嘉欣的臉了。雪白的肌膚配上少許雀斑，清澈的大眼睛配上小小的紅唇，尖尖的臉頰配上高高的鼻子，如詩畫中的美人活現在眼前，怎叫人沒有心動的感覺。

「喂，喂。唉，又遊魂，叫你呀。」嘉欣因我的分心而生氣地拍了我兩下，故我即時回過神來。

「傻仔，你同我專心D聽呀下。」

「哦。」

如事者，我被逼聽了五分鐘的講解，然後就正式開始整蛋糕了。

「呀，有樣野要提你，平時D書咪教人用攪攪棒黎攪D材料。其實用手攪係會令蛋糕更鬆化。」說罷，嘉欣便捉住我雙手，再放進容器內攪拌材料。

「嘩，好噁心呀。」我雙手放進去的一刻，感覺猶如把手浸進泥漿一樣，感覺令人生厭。



「你唔好咁多聲氣，再嘈一陣唔比你食。」

於是我只好向眼前的女王屈服，對不起我雙手也要繼續。

攪了大約十分鐘，再整模，加忌廉等工作後，終於大工告成。剩下的，只有烤焗這個最後的步驟。等候其間，我倆都默不作聲，只看著眼前發光並不時傳出陣陣香味的焗爐。大家都等著對方打開話題眶子。

「你...你...」我倆異口同聲地說。

「呀...都係你講先啦。」

「唔好啦，你講先啦。」嘉欣推讓地說。

「你依幾日過成點呀，住得慣唔慣呀。」



「唔...還可以，係要照顧你依個大細路有少少辛苦姐，哈哈。」

「喂喂喂，咩大細路呀，我重大你幾個月架喎，大喊包。」

「哼，唔理你。」大家安靜了大約十秒。

「皓天呀，你擔唔擔心聽日放榜呀，我驚你升唔返原校。」

「嘩，講依D。我完全未驚過，一定原校升到。」

「真係?哈哈，我最鍾意就係你依份自信。」

「我不嬲都係實力派，洗咩擔心我。」我不其然露出自信的表情。

「呀...其實嘉欣...你...覺得...我點呀?」我是瘋了嗎，究竟都在亂說甚麼。



「嗯?」不知是否幸運女神的眷顧，嘉欣看似沒有聽到我剛才你說話。

「叮」焗爐的聲音也為我化解了剛才的失言。

「呀，食得啦。係喎，岩岩你想講咩話，聽唔清楚。」嘉欣熟練地戴上手套，再把烤焗完成的蛋糕拿出。

「呀...我想問你覺得今次個蛋糕會唔會好好食呀拿，咁香。」我只好曚混過關。

「哈哈，重洗講，有本小姐係到，包你食到停唔到口。」看來自信方面，嘉欣比我更勝百倍。

故我們便在客廳上一邊閒聊，一邊品嚐蛋糕，慢慢地迎接中學時期第一個關卡的到來 - 會考放榜。