(青梅竹馬)逆。時光: (25)

「終於畢業啦」

繼過兩年的努力，我倆都成功升讀大學，並且不約而同地就讀於理工大學。由於修讀的課程不同，故見面的時間大不如前。雖然現在都勉強說是差不多每天都見面，但相處時間實在不多，只是在天地堂時於學校的cafe簡單吃個下午茶餐，談談新環境的生活，說說花痴學長們對嘉欣的追求。但我隱約中感覺到，我倆回不到中學時期「朝見口晚見面」的境況。

「喂皓天呀，你知唔知呀，琴日差d嚇死我呀。」嘉欣肉緊地說。

「嗯?發生咩事咁驚呀?」

「琴日準備上堂哥時，ocamp個組爸特登走過黎問我幾點落堂，想約我放學去飲野，我以為佢講笑，咪話比佢知。點知落堂果時佢真係係課堂出面等我。」



「下，唔係呀麻。咁狼死，咁之後點呀?」

「唉，你知我啦，都唔識點拒絕人，咪跟左佢去附近飲野。飲果時都好地地，點知臨走哥時佢拉住我膀頭，話叫我比佢good bye kiss佢呀。」

「嘩，想抽水。」傾刻間，我心中湧現了無名火。

「冷靜，我未講完。我雖然係怕醜左少少姐，但都唔係傻架，無理由將保存左咁耐ge初吻比佢。於是我立即推開左佢，話唔舒服要走先，跟住就急急腳跑走左啦。」

「咁都重好d，起碼無蝕比條咸蟲。」我稍為平靜了少許，但一想起嘉欣遭到這樣的對待，我便為自己的無能而感到自責。



「唉，我走果時重聽到佢大叫話聽日會再黎搵我呀，點算好。」嘉欣一臉無奈，憂心忡忡地說。

「嗯......你即管交比我，我聽日自有辦法。」為了嘉欣的安心，我只好先行答應會幫助她。

「真係?呀，太好啦，幾時都話你對我最好架啦。」嘉欣再次展露出燦爛的笑容。看來，我一定要於今天晚上想好一個萬全之策，以抵抗狗公的侵略。