(青梅竹馬)逆。時光: (67)

離開這間飾品後，我們繼續踏上尋找Shirley禮物的旅途。行了一會兒後，我眼角瞄到嘉欣的鞋帶鬆了。於是我便叫停了她，跪下來幫她繫鞋帶，就像，就像小時候我為她繫鞋帶一樣。


當我在繫鞋帶的時候，嘉欣嘗試拉起我，說自己繫鞋帶就可以，但都被我一一拒絕。

「喂呀皓天，起返身先啦，你無聽過男兒膝下有黃金咩?我自己黎得架啦，好多人望住呀。」嘉欣緊張地說。

但我並沒有理會，只是一邊繼續綁，同時說:「你今日著裙呀，一彎身就走光啦，都係等我黎啦。」

「嗯，唔該曬。」嘉欣終於停止阻止我。



「搞掂，點呀，依家去邊?」我一邊站起來，一邊好奇地問。

「ER......唔知呀。」

「不如睇戲囉。」我指著眼前的戲院說。

「好呀好呀，行囉。」她聽後興奮地說，並即時拉我進入戲院。於是我們選了一套愛情片便匆匆入場了。可能是剛剛行得太累的關係，嘉欣看了半個小時後便倚著我的肩膀睡了。她睡醒的時候剛好是該齣戲出演員名單之時。她揉一揉眼睛，望著我說:「呀，睇睇下訓著左添。」

「唔緊要丫，套戲真係幾悶下。」



「嗯?你膀頭唔攰架咩?」嘉欣睜大眼睛，好奇地問。

「攰架。」

「下，咁你做咩唔出聲出醒我。」

「咁你要訓著左緊係要挨架啦，點敢整醒我個流曬口水GE睡美人呀。」我笑著說。
嘉欣聽後，立即背著我用手巾抹乾殘留於口角的口水，整理完後，轉身便輕輕地打了我一拳。



「唉，好心無好報，做咩打我呀。」我無奈地說。

「哼，本小姐就係要打你。」

「怪人。」

「你講咩話，夠敢講多次。」嘉欣轉身叉著腰，鼓起雙腮說。

「哼哼哼，聽唔到算。」

「哼!」嘉欣望一望手錶，然後說:「皓天呀，依家重早，我想去一個地方，可唔可以陪我去?」

「嗯?去邊?」

「南生圍。」



「南生圍!!??」我驚訝地說。