(青梅竹馬)逆。時光: (71)

「嗯，佢近排上上下堂都會拎部電話出黎望下d message，有時睇睇下重係到傻笑添。好心人地上緊堂就咪阻住人啦。」Shirley認真地望著我說。

「下，我同你地個上堂時間差唔多，加上我又好少會send message。」

「嗯?咁就怪啦，佢今日重話會去機場一轉，重以為你地兩個約左去機場接邊個添。」

「機場?咩呀，係肯定嘉欣依家係機場?」我驚訝地問道。

「係呀，前排聽佢講起。所以佢今日學都無返，話時話，你地搞咩黎呀，古古怪怪。」



「我都想知。唉，唔講住，走先。」

「喂喂喂，你去邊呀。」Shirley向著準備離開的我問道。

「機場，你自己小心。」說罷，我便馬不停蹄地趕往機場，背後只傳來Shirley的叫喊聲。途中，我曾多次致電嘉欣，但得到的只是:「你已被接駁到，96524782的留言服......」「喂，嘉欣，皓天呀，你依家係邊呀，聽到之後打比我丫。」

「該死，你做咩依家先離開我。」我暗自罵道。

不知不覺間，我已到達香港國際機場的接機處。剛到步，只是一片人海，我四尋找，都未能找到嘉欣的影踪。不知道大家有沒有玩過緣份遊戲，就是說相約對方於一個人多的地點，但卻不說明指定的等候地點，只靠緣份的帶領來找對方。小時候，我倆每次玩這遊戲，嘉欣都能於短時間找到我。我曾問她:「點解你次次都咁容易找到我ge?」她只笑著說:「嗯...證明我地有緣囉。」




命運的安排下，今次輪到我找她。但十分鐘已經過去了，我仍找不到她。我，應該認命嗎?