(青梅竹馬)逆。時光: (79)

暴風雨前夕 總是異常的平靜
但暴風雨過後 又是否代表一切如常?
=================================================================
~能忘懷嗎 淚誠實嗎 
未忘懷的 要怎麼火化 
不會凋零 卻深化 
然後烙下了疤~
http://www.youtube.com/watch?v=1_49IeCCR0I
=================================================================
「其實咁ge，我之前曾經拜託過嘉欣的一個女仔好朋友，佢都應承左幫我架啦。依家峰哥你都支持我，無得輸。」我一邊手舞足蹈，一邊興奮地說。



「係?哈哈，恭喜你喎。係呢，你有無果個女仔朋友ge相呀，等我睇下欣欣識咩女仔朋友都好。心理學曾經有個有趣ge研究，報告指出靚的女仔身邊ge朋友通常唔會係靚女。」John笑著說，順帶一提，John於大學時是主修心理學的，故你會經常聽到他以心理學角度來解釋事物。

「係咩，咁可能今次要你失望啦，個女仔拍得住嘉欣架。」我說罷，便把銀包上我, 嘉欣和Shirley的照片給John看。



John滿心期待地接過相片，但當他一看時，面色一沉，先是拍了一下額頭，然後低聲說了幾句英語穢話。

「做咩呀?張相有咩問題?」我見他已經沉默多時，並作出此舉奇怪的動作，故好奇地問。



「我只可以同你講，如果你真係真心鍾意欣欣，小心d身邊依個女仔。」John異常認真地說。

「下，點解呀?」我完全不明白話中之意。

「不要問，只要信。」

「哦。」面對這突如奇來的說話，我只好胡混過去，然後就收回照片，靜靜地坐在椅子上喝著杯中的飲料。

(小心d?點解佢會講埋d咁古怪ge野?佢地無可能識架。唉，算啦，應承住佢先啦)