(青梅竹馬)逆。時光: (83)

「就係我望住個前置鏡頭時，佢地就影左相，但我發現，佢地係用緊前置鏡頭影緊相，而唔係機背果個，所以變左影我呀，呀!!點算呀。」Shirley開始抓狂地說。

「哈哈哈。」我聽後忍俊不禁，於是便大笑起來，差點失平衡跌到地上。

「死天仔，人地咁慘重笑。死啦，我應該點算呀。」

「哈哈，可以點算呀，你咪行埋去，同佢地講，話唔好意思呀，你影左我相，可唔可以刪左佢呀。」我笑著說。

「好方法喎。」不知她是否和嘉欣相處得太久，一向冷靜的她感染了嘉欣的天然呆。



「喂。」我拉著真是走到人家前面的她，然後說:「你唔係認真丫麻，人地睇到最多咪笑下，笑完就刪架啦，驚咩丫。」

「但係......」她吞吞吐吐地說。

「但咩係丫，如果佢夠膽放上網，我幫你鬧爆佢。」

「拿，你講架，唔好唔算數呀。」Shirley指著我說。

「係啦，應承你啦。」



「有趣有趣，我地入場啦咁。」

「嗯。」說罷，我們就慢慢步入大會堂，準備欣賞一套我認為是無聊到極點的舞台劇，但Shirley卻異常興奮，更說是津津樂道的表演。