(青梅竹馬)逆。時光: (106)

梳洗後，我匆忙地換了一套恤衫便和嘉欣出門了。路途中，我不斷詢問著嘉欣為何事前沒人通知我今早會喝早茶的，如果我約了人不就麻煩了吧。

「你呀，琴日諗住同你講架，點知你又急急腳走人。琴晚諗住打比你，你又唔想我電話喎，無黎交帶。」嘉欣輕輕地捏著我的鼻子說。

「呀...係...咩，哈哈。」我的額頭跑了幾滴冷汗出來，生怕她知道我昨晚的事。 

當我們到了酒樓時，遠處便能看到瑪莉姨對著我們招手，她還是一如即往的熱情呢。 

「各位早晨，等左好耐呀?」客套說話我定會做足的，媽，不用擔心你的好兒子了。 



「唔係呀，坐啦。拿，依位係美玲姨姨，我地中學同學黎架，岩岩係美國返黎。」 

「你地兩個好呀，你就係皓天同嘉欣?哈哈，好大個啦喎，讀緊咩呀。」 

「美玲姨姨，我地都讀緊理工大學呀。」嘉欣微笑道。 

「嗯?咁岩GE，哈哈。」她的笑聲真像某大電視台的MAY姐。 

「喂美玲，我個仔成日話佢果班D女仔無個靚呀，有無好介紹呀。」天呀，為何媽媽總愛說些令人難堪的說話。此時，嘉欣亦偷看了我一眼，賊笑了一下。 



「可惜我幾個都係仔丫，介紹唔到。係呢，你地兩個由細玩到大架?」美玲姨姨突然問道，霎時間我也反應不過來。 

「係呀。」嘉欣笑著回答。天呀，嘉欣簡直是完美的化身呀，已經救了我無數次了，順道成全我們，讓那個林甚麼的死忠作者可以快點完了這個故事吧，他好像開始詞窮技絕了。