(青梅竹馬)逆。時光: (109)

某天下午，理工大學某處的長椅上，坐著兩位漂亮的女孩。

「Shirley，問你一個問題丫。」嘉欣躺在shirley的大腿上說。

「嗯?」

「你認為咩叫情呀?」嘉欣漫無目的地按著手對上的電話，淡然地說。

「情?唔...我認為情係分好多種，有親情,友情同愛情等等，而真正的情係互動下存在的。其他唔多講丫，就剩係講愛情，點講呢，就係好想無時無刻都見到對方，簡簡單單咁係埋一齊都可以好開心。」Shirley喜形於色地回答著



「係咩。」嘉欣閉上眼，享受著陽光穿過樹蔭而照到她身上那種暖暖的感覺。而Shirley也是靜靜地望著天上盤旋的小鳥，並聆聽著大自然奏起的樂章。

「係呢，點解你突然會同左果個追左你好耐個師兄一齊，但又分手分得咁突然?」嘉欣首先開口道。

「因為覺得有趣囉。」

「Shirley,依到得你同我，無必要隱瞞丫。」嘉欣睜開眼，望著Shirley說。

「真係咩都逃唔過你雙眼，係得個傻仔天先會覺得你蠢。你...真係想知?」Shirley眯著雙眼說。



「哈哈，我問得當然係有興趣知啦。當然，你可以選擇唔講......」

「對住你有咩唔講得丫。其實我有樣野想問你好耐。」

「嗯，你講丫。」

「你之前明明知道天仔果日飲醉左，送我返屋企之外，重係我到訓左一晚，點解你完成無問起，無懷疑?」

聰明人有三種:自以為聰明的人總愛不懂裝懂，但卻成事不足，敗事有餘; 有小聰明的人總愛多管閒事，以證明自己的能力; 真正的聰明人總愛深藏不露，總是甚麼都裝作不懂,不知，為的是靜待時機，一個完全扭轉結局的時機。