讓我當你的籃板球女友好嗎？: 第一章

如果，時間容許退後…… 

不，就算不能夠，我們還是會在一起的，一起到最後的，對吧？ 


－－－－－－－－－－－－－－－－－－－－－－－－－－－－－－－－－－ 


「有個中七既男仔，好似對我有好感，想追我咁……」
 



阿文在漆黑的房間裡凝望著手機，雖然已經凌晨一點多，但他和阿琳仍然不住地互通訊息，阿琳忽然把話題一轉，帶到感情的事上。

 
在阿威的事後，隔了一段時間，他們沒有再連絡，直到近期，又無緣無故地聊起上來。

 
誰也沒了是誰先開口，總之一聊起來，就停不了。

 


阿文看到阿琳這一句時，腦海空白一片，良久後才想起自己還未回覆，便急忙應了一句：「咁咪好囉。佢叫咩名？」

 
「7c班李銘誠。」

 
「喔，聽聞佢讀書好勁。全級頭幾。」

 
「係呀，佢目標係入港大……」



 
「勁啦妳，溝到高材生。前途無可限量啦。」

 
「我無溝佢架！佢……主動黎搵我。」

 
「喔，原來係香氣傳千里哈哈……」

 
「佢聽日約我去睇戲。」

 
「睇戲咁開心，睇咩戲？」



 
「嗰套新上既愛情片。」

 
「幾好呀……」

 
「我地……兩個人去睇喎。」

 
「嘩咁浪漫？羨慕死人。」

 
他愈打愈覺得自己虛偽，在文字裡表現得自己很高興，為她感到開心，暗地裡實是心中不是味兒。



 
他按著按鈕，愈按愈有一種無力虛脫的感覺。

 
他想，或許因他的語氣不像真心的關係，阿琳久久都再沒有回應他。

 
等了差不多一小時，他才收到阿琳的訊息。

 
「你真係覺得我應該去？」

 
「點解唔去？」



 
這是一個好機會啊。

 
「無野啦。」她說。

 
阿琳的反應很冷淡，可是仍然會每天跟阿文訴說著她們的情況。

 
「你覺得我應該著咩去？」

 
「裙比較岩你。」



 
「係？定係你自己中意咋？」

 
「我覺得女仔著裙好靚。」

 
「洗唔洗下次著比你睇？」

 
「講笑咋。」她見他久未回應，便加了句。

 
她甚至會把過程都很仔細地跟他報告。

 
「今日睇戲嗰時，他靜雞雞咁拖我隻手。」

 
「咁……跟住呢？」

 
「跟住我扮拎可樂飲，鬆開左。」
 

「點解呀？咁蠢架妳！咁好機會都唔把握！」

 
「我想等嘛。」

 
「等？佢已經咁主動。」

 
「唔係講佢啊。」

 
「唔係講佢講邊個？」

 
「其實你都好蠢，你咪一樣有機會唔識把握？」阿琳說。

 
「同你本身講既都唔同，佢擺明唔係中意嗰個中七啦，佢講到咁出面，你唔係唔明呀？」我提高音量的叫道，雖然蠻大聲，


可是午膳時，在吵鬧的飯堂中卻不會引起什麼人注意。
 

「佢咁講……可能係指其他野呢。」

 
「你無得救架啦。」我說。

 
我又說：「點解唔肯試下追佢呢？佢都講到咁出臉，有時我都會懷疑你究竟係咪真係中意佢，連會試都唔敢試？」

 
「當你太重視一樣野既時候，會重視到你唔敢去擁有。」


我想反駁他時，背後卻忽然被人叫喊。 


「張卓樹！」


陳老師忽然在我背後喚叫我，我一臉不解的回頭，我跟她一向不熟悉的。

 
她走過來說：「你係度就岩啦。」

 
「嗯？」

 
「你數學唔錯架嘛，你班主任都想搵你幫手做小老師，幫下中一既同學。」

 
「喔……好啊。」我也想不到有什麼原因去推卻。

 
「咁你聽日黎開會，講解下點樣做。」

 
所謂的小老師計劃，就是找一些高年級的同學去幫低年級的補習，為期半年，在放學後開始。多數會找一些在某學科上特別出色的學生負責。

 
雖然我成績不好，可是數學還不賴，結果也找了我。
 

在簡介當天，也是簡單的說說應該怎樣幫他們，心態、兩個人為一組等等，沒什麼特別，而且教材還是老師自己準備，所以我們還蠻輕鬆的。

 
到了當天我才發現一個大問題。
 

真正要補習的當日，那是放學後的五時，我才知道，原來阿曦也是小老師之一，只是她沒有去簡介會而已，而且她還是跟我一組的。
 

「卓樹,你......幾好嘛?近排......」
 

 
 
童話會變假，無非看厭吧？