讓我當你的籃板球女友好嗎？: 第十四章

他顯然沒有預料到會有人仍留在課室，他嚇了一跳，身體撞得桌椅發出「嚓」聲的巨響，眼神慌忙的轉過來望著突如其來出現的我。
 
 
「我應該無得罪過你。」我眼前是一個身材矮小，頭髮看是油溜溜的，眼前頂著一副厚鏡片的眼鏡，樣子有點像一隻老鼠。
 
我肯定，在我記憶中是不認識這個人的。
 
 
如果他不是穿著我們學校的校服，我壓根不會知道我們是同學。
 


 
他托一托黑框的眼鏡，胸口微微的挺起，似是要為自己說話加添幾份自信，卻掩飾不了他震抖的手。
 
 
「你……你你唔識我唔緊要，我……我知你衰咪得。」他結巴的說。
 
 
「我衰？我應該唔識你架啵？點對你衰啊？」
 
 


「唔係對我！係對阿曦！」這句話，他卻說得暢順有力，一點口吃也沒有。
 
 
 
「阿曦？我幾時有對佢衰？」
 
是不是搞錯什麼？
 
 
而且我跟阿曦的事，他怎麼會知道。


 
 
他不是跟我們同級，照我的認識，阿曦的朋友中，應該沒有這樣的一個人。
 
 
難道是近期認識的嗎？
 
 
「唔好扮啦，係人都知你玩佢！明明同緊佢一齊，又要中意第二個！一腳踏兩船！
 
 
仲要為左第二條女飛左佢！之後同第二條女一齊仲要搞埋嗰個日本妹，正一人渣敗類，
 
 
你知唔知你搞到阿曦幾慘！成日返學都喊，又要搵水泡，你真係狗公都不如！」


 
 
他一口氣怒罵出來，說罷後便不停的喘著氣。
 
 
 
「我唔知邊個同你咁講，但我無咁做，無為左其他女仔飛左阿曦，係邊個咁講？」
 
 
 
「我自己親眼睇到既！係網吧門口嗰次，你同一個男仔仲有喊緊個女仔一齊嘛，比個女仔喊兩喊，咁就被人逼到就範同阿曦分手啊！正一賤男！」
 
 
我跟阿琳在一起？
「阿琳嗰時係同我好朋友一齊，所以因為同佢分手先會喊，而唔係因為我，我亦都無同過佢一齊。


 
 
而且，同阿曦分手係佢提出既要求，正確黎講我先係比人飛嗰個。」
 
 
我盡量控制自己的情緒，希望句子保持說服力，讓他相信我說的是真話。雖然知道了他是作弄我的兇手是蠻讓人生氣，
 
 
可是依他的言語，他卻只像一個被人愚弄的人。
 
 
他原本理直氣壯的樣子，慢慢也開始變得心虛起來。
 
 
「你講我就信？」


 
 
「其實唔信可以問下呢級既人，就知我係咪講緊真話。」
 
 
他好像洩了氣的氣球，再沒話出。
 
 
「你係阿曦既朋友？」到我發問了吧？
 
 
他默不作聲。
 
 
看樣子應該也不是，但大概我也猜得到是她的「忠實粉絲」。


 
 
不然怎麼會為一個不認識的人以身試法。
「你唔似係自已咁諗，可唔可以講係邊個咁同你講？」我又說，語氣帶著勸諭。
 
 
因為我感覺他在學校，應該是少有朋友的那種人，也容易被人忽略，自然的也會誤聽、偏信別人讒言。
 
 
他還是沉默的不說話。
 
 
「我保證唔追究你好無。」
 
 
他苦惱的在考慮了一會，
 
 
我再次說：「佢誤導你？你仲幫佢做咩？」
 
 
「我都唔知你係咪講緊真話。」
 
 
「都話左你可以問身邊既人，甚至阿曦，我保證係真。」
 
 
「咁又洗問佢......」
 
 
「咁到底係......？」
 
 
他緩緩的吐出：
 
 
「係我嗰級既李鴻璋……同我講……。」