一步一步的在街道上走著,我們彼此都低頭不語。
 
 
我的心不斷在咒罵自己,如此匆忙的走到學校,當真的見到木下時,我竟然什麼都說不出來。
 
 
她看到我的時候,本是愣住了一會,然後問:「你點解黎呢度既?」
 
我……


 
 
「我可唔可以同妳傾下。」
 
 
她點點頭,我們就一起走著。
 
 
可是之後我們就再沒有說話。
 


 
可能是因為我忽然間覺得木下很陌生。
 
 
她的動作、眼神、神情,每一個都很陌生,就像……她正對著一個毫不相關的一樣。
 
 
我被這樣的氣場壓住了,口沒法吐出任何一隻字,
 
 


而就這樣不知不覺間,我們已經差不多回到她的家。
 
 
再不說話就沒有機會了!
 
 
我正要張開口時,她卻比我搶先一步說:「你……唔係話有野講架咩?」
 
 
「對……唔住。」我吸了一口氣然後說。
 
 
「啊?」她有點錯愕的由本來低頭望地,轉過頭來望著我。
 
 


「我知道啦。」
 
 
「知道咩?」
 
 
這時候,天空忽然變得陰霾,昏黃的上空被灰黑的雲塊遮蔽著,風咻咻的吹著,一陣涼意傳遍全身。
 
 
「知道……你從來都無拆散過我同阿曦。」
 
 
這一話說畢那刻,雨就淅淅瀝瀝而下,像是一句咒語應驗,
 
 


或是天也看不過眼,雨水就淋在我和木下之間。
 
 
木下沒有移開避雨的意思,我也只好站著不動,
 
 
我看著她的頭髮瞬間濕透了,
 
 
一點點的水滴從她的臉上順流到身上、校服上,好像成了一條清澈的川流。
 
 
她仍是低著頭咬著嘴唇默不出聲,
 
 


我繼續說:「阿曦對我講返,美寶向佢道歉,
 
 
坦白講左佢利用左阿曦……仲中傷你,
 
 
因為佢暗戀個男仔中意左妳,心生不憤,
 
 
所以四圍造謠,其實阿曦既事係佢自己意見,佢只係希望啲人對妳反感……」
 
 
「對唔住……我竟然無信到妳。」我又說。
 
 


「但點解妳要認?明明唔係……」
 
 
「幾年前,我同前男朋友既情況好似你同阿曦一樣。」良久後,木下終於開口說。
 
 
「我地既情況好似你地,我好中意佢,好痴佢。到最後,佢都係話怕傷害我,所以離開左我。
 
 
本來你同我只係圖書館遇見既同學,好普通既關係。
 
 
但只係有一日聽到你地既事,細聽之下,我發現我地既事好似,亦都覺得你就好似嗰時我。
 
 
所以我決定好多事咁去搵阿曦,勸佢如果有決定就唔好拖。
 
或者我真係好衝動既人,但我只係覺得你地咁樣,你會好辛苦。
 
所以你地分手既責任係咪我無份?其實我都應該負一部份責任。」
 
 
「但你只係為我好,唔係為左……所以先……」我反駁。
 
 
她沒有回應我,繼續說:「我一直都係你身邊陪你,係想幫助你,本身我係咁諗……但係相處既過程……我發覺你真係好戇直,又好痴情。慢慢,自己甚至開始有啲羨慕阿曦。」
 
 
她還是低著頭說:「我好想幫你脫離陰影,所以提出左做你既暫時女朋友。
 
但其實嗰個既規則同時間係……設比我,而唔係比你,因為我真係怕自己會戲假情真……」
 
 
「可惜,最後都係幫唔到你。」她終於抬頭,臉上帶著微笑,不過這個微笑不是她平常的笑容,而是勉強笑出來。
 
 
「因為我知道,你都係無忘記過佢。同我一齊睇戲、食飯、睇書、去長洲玩既時候,你都無忘記過佢。包含埋你而家個袋仲掛住既小貓掛飾。」她瞥看我袋中的小貓公仔。
 
 
「反而係我好失敗,包括係幫你,甚至係我定規則上都守唔到。」
 
雨勢開始大得使我已無法張開雙眼,眼前雨水散落得口霧氣仙境一樣,木下雖站在我臉前,卻很朦朧,仿佛虛無縹緲的伊人。
 
 
我把我對摺 輕輕把你也對摺
今生是你借我的 來生是我答應你的
 
 
「不過最失敗既係……你從來唔知……我中意你。」
 
 
越記得 越不捨 我不懂的
愛得恨得痛得 心如刀割 痛過就懂了


 
「木下……」
 
 
有甚麼還在螫 緊緊被回憶咬著
彩虹的第八個顏色是夜的黑色
 
 
「恭喜你地。」
 
 
心還是肉做的 你的吻還熱熱的
 
 
「其實唔係妳咁諗,我同阿曦已經……」
 

你睡了我還醒著


苦的澀的甜的酸的懷念的 我們回不去
 
「期限已經完左,關係亦斷結左,我地以後唔好再見好無?」
 




 
 
 
 
 
「你是樹,我是你的底下,從來吸引樹的目光的,都不是我,而是晨曦。」