不能愛上的星級女神（番外季）之 海王博弈: 男朋友

「真感情…點可能會演得唔好啊？」我故意火上加油，走到Candice身邊，雙手交疊胸部，眼神帶點神秘又奸狡地打量Candice。
「你又想點講咩呀關語芯？」Candice有點黑面，凌厲地望向我。
「冇！不如你再考慮下萬若嵐啦？你同佢…幾襯啊。」我故意貼近向瑾瑜挑撥離間，說：「瑾瑜可？」「嗯。」若嵐此時回來了，她換了下身衣物，看來剛才和Candice的情慾戲應該令她濕了不少。我本已經心情不好，看見這個畫面只能默默握緊拳頭。

「你地傾咩傾到咁嚴肅啊？」若嵐還是那個可愛又無害的樣子走到他們旁邊。Candice －手牽起若嵐，與她十指緊扣，面上充滿火藥味、帶點複雜的表情望向我們說：「OK…你哋咁想我同若嵐一齊係咪？」她望向－面震驚、呆住了的萬若嵐，當著我們面前對萬若嵐說：「萬海昕，做我女朋友。」她們的震驚猶如在香港發生地震海嘯一樣，真的非常衝擊。
「唔係…咪住先Candice…」若嵐正想勸她，Candice毫無保留地在我們面前閉上眼吻向若嵐。
「Wow…」我呆了。Candice很主動向若嵐深吻，卻偷望著望瑾瑜。明知他們在氣對方，而且Candice還可以借機向我報復。但我卻坐不住。
「向瑾瑜，你滿意未？」唇片分開了，她覇氣地摟緊若嵐腰間，此時若嵐望向我，隔空的對望看出她對我的不滿。
「既然係咁，瑾瑜，你做我男朋友～」我牽起瑾瑜的手，故意對朱浩婷報復。我對她們說：「咁以後瑾瑜同你只係普通朋友，我唔會比你再hurt到佢。」我刻意說：「向瑾瑜我向你保證，你以後唔會再唔開心。我地走啦。」我就要朱浩婷繼續生氣，誰叫她玩推拉再玩到若嵐頭上，把我氣死！





這兩個傢伙，傷完人心不夠，還要把若嵐夾在中間。沒關係，反正若嵐一定很享受，目前她手中的籌碼多的是，就算她要安穩找個人，也有Janet。我？算個什麼？……我和瑾瑜靜靜地坐了一個下午，喝完一杯又一杯。
「瑾瑜…」我看到若嵐主動發來的訊息：「春天百貨」便主動打破沉：「我知你唔開心。不如我帶你去shopping，你想買嘢，我埋單～」此時程心傳訊息告訴我，她們其他人，包括Candice和若嵐，也到巴黎了。

「呢個袋系今季啱啱出嘅最新款，好靚呀……」我故意去到Candice風格的店舖尋找她兩人，果然不出所料。我聽到兩把熟悉的聲音在附近，一轉身就與若嵐、Candice狹路相逢。

若嵐想阻止Candice掃貨但似乎不太成功，還是被Candice牽着手走。若嵐發現了我們，她鬆開了Candice的手，一面無助地走去瑾瑜：「向瑾瑜你做咩唔聽我電話啊？你開句聲啦，你女朋友就黎碌爆我張卡啦…」我「噗」－聲禁不住笑了出來，掃了正在瘋狂購物的Candice一眼，望向若嵐：「勁喎～朱浩婷碌爆你張卡…佢買飛機定買遊艇呀？冇理由啊你咁疊水～」
「邊夠你有錢呀？」若嵐生氣起來真的很可愛。
「萬若嵐，而家佢係你女朋友唔係我女朋友，你洗少少都好應該啊。」瑾瑜說。
「喂！佢同你鬥氣架炸！但係你兩個鬥氣要碌爆我張卡，我唔制囉～」若嵐鼓起腮子，我和瑾瑜也忍不住偷笑。
「喂朱浩婷！Paris今季新款啊…」我故意拿著那個新款手袋去叫Candice過來，若嵐幾乎嚇得暈倒、動彈不得：「關語芯我可唔可以殺咗你…」





Candice面口忽然又黑了起來，她一手牽起若嵐，溫柔地對她說：「海昕你肚唔肚餓啊，我哋上上面餐廳撐枱腳？」
「不如…同埋佢哋一齊食？」若嵐試探性地問，Candice鬆開了手，轉身準備去結帳。若嵐立刻上前哄她：「啊？Candice呀…我冇錢啦！你放過我荷包啦？」我在一旁偷笑，拿了兩個最新款手袋，施施然走到櫃檯前說：「得啦～朱浩婷果d，等我埋單。」若嵐有點驚訝望向我。
「而家邊個叫你埋單呀關語芯？」Candice不滿地說。
「Candice啊，你不如唔好再同瑾瑜鬥氣啦？鬥氣傷感情、又傷荷包，唔抵啊…」若嵐真的太可愛了。
「其實你無啦啦多咗個女朋友，我又多咗個男朋友，而家呢個關係唔好咩？」我邊裝酷，邊等待收銀完成結帳程序。
「下？」若嵐又來了裝天然呆。
「不如我地一路食一路諗？你地啱啱落機應該肚餓。」瑾瑜說，若嵐立刻捉住Candice手臂：「係囉，Candice不如我哋一齊食野先…」Candice有點不情不願，但還是和我們四人一起去吃晚飯。