不能愛上的星級女神（番外季）之 海王博弈: 一生只愛一人（下）

「你又真係過嚟㗎喎。」我冷冷地。
「我頭先講過，你玩我都玩。」若嵐回敬我。
「萬海昕你玩唔起㗎。你走啦～」
「關語芯我想話你知，我唔係玩玩下，我係認真嘅。」
「我咪講咗我玩你架囉… 趁佢哋未嚟，你走啦。」我想把她推走，她反過來一句：「你話唔緊張我，咁你點解要特登過嚟London搵我？做咩要幫我埋朱浩婷張單？點解要對我咁細心啊？咁我同邊個玩3p4p又關你咩事啊？…」
忽然門外有聲音。
「邊個？」居然是向瑾瑜。

「瑾瑜？」「佢哋呢？」「佢哋黎緊，叫我同你哋講可以準備定。」他說。「等佢哋嚟到先啦…」說完這一句，不知為何感覺他的眼神有點閃縮。
瑾瑜忽然把門關上並鎖好，回頭換了個掠食者的眼神望向我們：「其實…佢哋唔會嚟。你兩個今晚，只係需要服侍我一個。」我總覺得有點古怪。




「瑾瑜你講咩啊？」若嵐面對他的逼近，他把若嵐壓到床上烘近她，令她耳朵也紅了。我有點本能嚇倒，不慌不忙地拉着他肩：「你搞咩啊？朱浩婷喺樓下喎。」他握住我手臂把她拉近，帶點輕佻地說：「你聽唔明廣東話咩？我話，今晚就係我地三個。」然後他再次烘近若嵐，－手放到她腰間，另一手壓住她手腕。
「瑾瑜～你…認真㗎？…」若嵐吞了吞口水，閉上了雙眼臉頰紅紅，半咬唇片。我決定不裝了，直接讓他曝露。這個人一定有什麼詭計，說不定就是想撮合我和若嵐。

我直接在他身旁脫下外衣，他震驚住了。我毫不猶豫決定揭穿他的套路，拉住他的手放到我的胸罩扣上，身貼身地烘近他唇瓣。他下意識地向後退，看見若嵐也偷笑，便知她也洞悉了瑾瑜的計謀。
「又話3P？你縮乜嘢啊？」我烘近他，他害羞起來：「咩啊…怕你地咩？」
「你根本唔會！一直以來你咁照顧我哋，如果真係會，都唔係等到而家呢刻。」我揭破他道：「你話如果可以早啲遇到你，咁幾好。你真係好好、好有安全感。可惜啦！而家比朱浩婷收歸咗～」若嵐彷彿也笑着贊同：「你講得啱。瑾瑜真係好有安全感，同佢一齊嘅時候個人真係會好放心。係囉～果陣又話鍾意我～」他笑了：「點啊你兩個？一人比一頂高帽我，我受唔起喎！」我左邊繞著Hilary的膊頭，右邊拍住若嵐的肩：「放心啦，有我喺度，你兩個以後都唔會俾人蝦。」「係咪架？」「你記住你講過嘅嘢喎！」「當然啦！」

我們三人邊聊天邊喝桌上放著的威士忌，聊得很高興。喝了很少已經甚有醉意，瑾瑜靠在床邊的枕頭上仰望天花，幾乎閉上眼睛似乎醉呆了。以我的酒量，怎麼可能喝這麼一點便全身熱烘烘？莫非這個酒中……
「關語芯！如果我…同瑾瑜、或者…其他人做，你…會唔會…阻止我？」若嵐與我烘得很近。
「萬…海…昕…點解…你咁堅持…我啊…」我開始按耐不住體內的躁動，把她壓在豎直的枕頭上。




「你唔信…我證明比你睇……」若嵐對著瑾瑜脫去外衣，一手鬆開自己的胸罩扣，我立刻從後抱住她，手臂圍在她雙峯之上，剛好遮擋着她的山峯。我緊抱着她，鼻尖貼在她臉頰上，在她耳邊道：「唔得啊！萬海昕你傻架？…你認真架……」
「你又話玩我，點解又咁緊張我…」
「我冇辦法…唔緊張你…」
「關語芯，我淨係想…要你炸……」若嵐的聲線變得十分溫柔，還有點嬌嗲。我把我薄薄的外衣蒙着瑾瑜雙眼，毫不猶豫吻向胸罩脫落的若嵐，在藥力的鼓動下與若嵐深吻糾纏……