不能愛上的星級女神（番外季）之 海王博弈: 私有化

「Hilary你想飲咩啊？你平時飲開嗰啲我全部帶晒過嚟…」她推了一架冰車到我和瑾瑜面前。
「哇今日呢個陣形…你呢個財力真係不得了啊萬若嵐…」向瑾瑜正想挑一款，若嵐拍打他手：「你等陣先啦！比Hilary先！」我笑了笑搖搖頭，從座位上站起來走到冰車前，邊挑邊對若嵐說：「你啊，咁熱就去行吓街啦，仲帶咁多野過嚟。我俾你嗰張卡俾你買下名牌買下嘢食，你唔使特登買咁多嘢比我。」我挑了支白酒，她在自己口袋拿出我平時在家放著的那個開瓶器給我，向我撒嬌：「關語芯！你唔歡迎我咩？同埋都咁耐，你都知我唔好名牌嘅，最近又冇咩想買。」
「咪住先咪住先…」向瑾瑜一頭冒水：「你碌佢張卡？關語芯…你唔簡單喎…」

我呷了口酒，這最貼合白酒的溫度，實在提升了它的口感和層次。「我仲租左雪糕車啊，要唔要杯雪糕啊？」她貼近我身邊，我真的被她氣笑了：「萬若嵐你真係太誇張喇～我表姐都嚇親…」
「萬若嵐你呢個主權咁宣示法，就嚟成個香港都知你係佢女朋友啦～」向瑾瑜邊喝檸檬茶邊笑說：「而家通街都係你應援d野，你哋喺d網媒、tiktok同bilibili嘅熱度比人炒到baba聲。你哋睇吓詩姐同家儀姐塊面幾燶。」
「係呀～我就係要成個香港都知道，關語芯係我嘅～」若嵐這個得戚的模樣真係很可愛，她拉住我手說：「我今晚包咗餐廳，你收工我過嚟接你～」我還在喝著酒，她忽然拉住我走向雪糕車方向。正在附近吃雪糕的工作人員都望了過來，她完全目中冇別人，十指緊扣拉著我排隊：「我叫佢準備咗啲膠杯，可以比你食白酒雪糕～」
「你咁碌法，我張卡會唔會爆㗎？」我開玩笑道。
「你喎？買架飛機都未爆啦？」她來了個奸笑：「真係爆咗嘅話，我養返你囉～」
「wooo…」沒想到監製和導演也在附近，這次我耳朵也紅了。





原本我以為若嵐只是想宣示主權，但晚上吃飯時，她帶來了律師等陣容過來，還有一大堆文件。
「唔係我哋兩個食飯咩？」我笑笑說。她仿佛一臉認真，望向我：「除咗章樂言件事，瑾瑜同我講咗你細個爹哋媽咪件事。點解你從來都冇同我講過？」她與我對望，我沒有回應。
「其實我呢排做咁多嘢係因為，我想你知道我都可以俾到安全感你。」她居然是這樣想。她繼續認真說：「你可能只係隨口應承我做你女朋友，但其實心裏面都係覺得我哋嘅關係冇安全感。我諗咗好耐可以點樣令你覺得我哋可以行落去…」此時律師把文件遞給她她再遞給我，我打開一看，瞬間震撼了。
「因為香港冇立法，所以我叫律師幫我準備所有婚姻關係入面嘅保障文件…」包括她的意外保險和臨終醫護權利等。我看見這些，想都沒想便反射性敏感地推到地上，內心十分戚然而且很有不適感。她和其他人也嚇了嚇：「做咩啊Hilary？」我冷靜一下自己，喝了幾口酒。對，我認為最保障的就是白紙黑字。但我愛的女人，她居然什麼都給了我……

「關小姐，你可以搵自己嘅律師核對一下文件嘅細節……」她的律師剛開口，我便冷冷地打岔：「唔使…你哋走先…」他們望向若嵐，若嵐打量了我一下，正想關心我。
「我唔舒服啊，我去一去洗手間…」我提起酒瓶便匆匆上了洗手間，坐在廁板上大口大口把酒喝下去。臨終醫護指示權利…我憑什麼？憑我八、九年來一直把她推推拉拉？……我無聲地落淚了，邊流我邊拭走，再呷一大口酒。

「Hilary你有冇事啊？係咪心口痛啊？我可唔可以入嚟啊？…」若嵐焦急的聲音在門外敲門，聽到她的聲音我不禁哭了出來，這回真的哭得胸痛想吐。




「你有冇事呀？我好擔心你呀…你唔應我嘅話我用餐廳鎖匙開門架啦…」我放下酒，邊捂住胸痛邊深呼吸，給她開了門。她哭着撲入我懷中擁着我：「對唔住啊…我…係咪我比左壓力你啊？關語芯啊…你係咪好唔舒服啊……」
我拭走淚水低聲說：「我冇事啊…」
「你做咩喊啊？」她哭著關心我。我拭走她的淚痕，強忍想哭的感覺，苦笑道：「因為你傻囉……」
「下？咩…咩啊？…」她邊抽泣邊問。
「意外保險！我而家好等錢洗咩？我而家係稀罕d賠償咩？…」我眼角再次泛淚光，她彷彿瞬間明白了，破涕為笑，拉住我手望向我：「喔～～～咁炸嘛？係架～就算你有一百億都買唔到我㗎！你唔要…咁我益第二個囉…」
「我有話唔要咩？…」我緊擁着這個傻瓜，壓低聲線伏在她肩，喃喃道：「我想要你炸…」她也小聲回應：「你先係傻瓜啊…」……