一覺瞓醒，你竟然同我講香港有喪屍2-雙龍: Zombie 22：我嘅Fan屎？

寒天龍雙手護在頭上，雙眼死盯著志成的腳。失死聽力的他，已經訓練到可以不靠聽覺來預測對手的動作。他心知志成的拳，重到可以擊飛一個體格健壯的成年男人，也知道自己一定捱不過幾拳，但他根本沒有任何退路。
 
與其等敵人先攻，不如由自己突破。寒天龍一個踏步，揮出一記右輕拳，緊接著的是一記重拳打在志成的腰間。
 
志成被突如其來的進攻嚇呆了，他沒有想到有人會主動向他揮拳。未等志成反應過來，寒天龍再連續揮出幾擊重拳，每一拳都精準落在腰間的同一位置。志成的臉頓時抽搐了一下，嘴角更流出一絲血水。
 
在手指虎的加持下，寒天龍乘勝追擊，再向志成揮拳，但這次卻被他全數躲開。寒天龍沒有預料到志成的反應速度可以提升，立即向後跳開保持幾個身位的距離。
 
「你唔係好打得咩？仲咩褪後呀？」志成把口裡的血水吐出揶揄道。
 




另一方面，諸葛一明，阿德和阿柳依然對抗著那兩隻攻擊性強的喪屍，縱使幾人都沒有武術底子，但用硬物胡亂攻擊還是做得到，而寒一鳴和莫子謙則守護著幾名女生。
 
「嚟啦！仲唔打過嚟？唔係想走咩？你唔打過嚟，就到我喇喎！」志成依然用著挑釁的口吻，完全不把寒天龍放在眼內。
 
見寒天龍只作防禦姿勢，志成衝上前，準備一拳打在他的臉上，但他卻站在原地使出「鍾擺閃躲」，把所有的攻擊化為弄有。
 
「嘩！勁呀！龍哥好嘢！」Amy從車前蓋上往下跳，興奮地大力拍掌。
 
這舉動令志成感到受辱，他雙手十指緊扣，使出「雙手槌拳」，從寒天龍的頭頂砸下去。力度之大令他整個人趴倒在地，頓時一陣劇痛伴隨眩暈感令他無法再次站穩。
 




志成的怒火沒有因此而消退，他一把抓住寒天龍的衣領，把他高舉在半空，另一隻手握緊拳頭，準備一拳打爆寒天龍的頭顱時，Amy突然擋在他面前。
 
這舉動令志成更加憤怒，覺得不被尊重。但Amy並沒有理會他，把他的手拉下，好讓寒天龍喘口氣。她面向寒天龍，表情顯得異常雀躍。
 
「阿龍！阿龍，我一睇到你出拳嗰刻就知道真係你！」
 
「妳邊位呀？我好似……咳……唔識妳！」
 
「寒天龍！阿龍！」Amy依然異常雀躍。
 




寒天龍瞪大雙眼，他感到一陣莫名其妙，印象中完全沒有這個少女的任何記憶。
 
「你真係嗰個阿龍，嘻嘻，你唔識我㗎，我係你Fan屎，以前細個阿哥帶我睇拳賽，你嗰陣真係好勁呀！我呢……」Amy田滔滔不絕地自顧說話，看傻了包括志成的所有人。
 
「阿妹妹，既然妳係我Fan屎，妳冇理由唔識佢哋㗎！」寒天龍趁著這個空檔調整著呼吸，順便打量著眼前這個看似瘋癲的少女。
 
Amy逐一走到其他人的面前打量著，不一會又踏步跳到寒天龍面前「我記得呀，不過，我剩係中意你一個！」
 
「Amy妹妹，不如我同妳影張相簽個名，妳再放我哋走吖？」寒而龍哄著這個自稱粉絲的少女。
 
Amy目不轉睛地看著寒天龍好幾分鐘，然後走到志成身旁「唔玩喇！我要佢加入我哋！」
 
「唔得！阿龍係唔會加入㗎！」羅悅佩高聲叫道。
 
只是一秒，Amy就到達幾米遠的羅悅佩面前「我都冇問妳，妳係咪想死快啲？」




 
「等陣！阿Amy妹妹，係咪我加入，妳就放過佢哋？」寒天龍緊張得整個人都像離魂一樣。
 
「呢個要問大佬，我話唔到事，佢係你女朋友？」
 
「係！我好愛佢，求吓妳放過其他人，我會加入妳哋……」
 
「我都話我話唔到事咯……不過我覺得大佬會中意你，放心喎！我唔會因為佢係你女朋友就殺佢，我係中意你，唔係愛你呀！唔同㗎！」Amy解釋。
 
「噉點呀？」志成坐到車前蓋上問，顯然他已經沒有戰意了。
 
「咩點啫？等大佬囉！」Amy慢慢走到車前坐到志成的身旁。
 
寒天龍見倆人坐著聊天，整個人都像虛脫般跪在地上喘息，其他人幫忙則扶起胡炎陽，而諸葛一明三人也剛好解決了喪屍危機，癱軟地坐到地上休息。
 




「阿龍，你點呀？個頭點呀？」羅悅佩望著滿嘴鮮血的寒天龍，強忍著淚水關心問道。
 
「我抖一陣應該會好啲……」寒天龍有氣無力地回應。
 
寒一鳴似乎察覺到什麼，向羅悅佩低聲說「新抱仔，唔好衝動，睇定啲先。」
 
羅悅佩抹走快要落下的眼淚點了點頭，緊抱著寒天龍，深怕下一秒就會失去他似的，害怕得身體微微顫抖。
 
大約一小時後，一個梳著油頭的肌肉男慢條斯理地行近Amy「仲咩仲唔搞掂呢班人？妳唔係想瞓覺咩？」
 
「東哥，我想佢加入，不過佢話要帶埋其他人一齊，你知唔知佢係我偶像呀，我呢……」
 
「是旦啦，叫佢哋上車。」
 
東哥？呢班新人類嘅大佬？




 
寒天龍邊向小貨車走去，邊打量著阿東這個男人。阿東並沒有他想像中的怪物模樣，而是更像一個有肌肉的上班族，從他身穿襯衫西褲以及走路的姿勢，怎樣看都像個生意人。
 
確定全數都坐到車上後，志成便走到駕駛位置向莫子謙說「我揸，你去後面。」
 
可能因為過度緊張和受傷的關係，幾乎所有人都停止了大腦的運轉，合上眼休息，除了寒一嗚。
 
「我唔會對你哋出手，你可以跟埋佢哋一齊瞓，到咗會叫你。」志成望向倒後鏡上映照出的寒一嗚。
 
「你哋唔係想殺我哋咩？點解而家又咁好客？」寒一嗚試探著。
 
「我負責聽命令，其他嘢你一陣問Amy，係佢話要留你哋。對我嚟講，邊啲人要死，邊啲人唔洗死，我根本無興趣去理。」志成補充「瞓啦！唔好影響我，我想靜靜地揸車。」
 
寒一嗚望了一眼所珍視的人，又望了一眼剛相識的陌生人後，便合上雙眼養神。
 




不知過了多久，車門被大力打開。
 
「到喇！起身行出嚟！」志成大聲命令道。
 
眾人望著這個巨大鐵皮工廠，知道自己被帶到了新人類的大本營，心裡的不安感又再次被喚醒。
 
志成用力拉開工廠的大鐵門，鐵門頓時發出「吱吱」的刺耳聲。
 
「喂！叫咗你幾多次呀，細力啲拉度門呀！」Amy掩著雙耳抱怨道。
 
志成無奈地回應「細力係拉唔開㗎！度門有啲生鏽呀！」
 
「入去啦！去見大佬！」Amy頭也不回，用著輕快的踏跳步進工廠。
 
「喂！你哋究竟有幾多個大佬㗎？」寒天龍邊走邊向前方的志成問道。
 
「最大嘅話一個！」