友愛的決擇: 第八章：依依不捨

同一屋檐下，大家就係自己人，無咗邊個都唔得，無咗邊個都變得唔完整

依半年，我已經習慣有阿謙喺我身邊，得佢明白我，得佢體諒我，得佢安慰我

我對佢已經有一種說不清嘅感覺。離別，究竟是什麼？

一次夜晚，大家一齊食晚飯....

媽：阿謙，其實auntie唔介意你繼續留低，不如我同你媽咪再傾下



謙：Auntie，多謝你，依幾個月真係打搞晒，我相信我自己能夠照顧自己

媽：你走咗，我會好唔捨得你

我：媽咪，你做咩喊呀？有冇人可以話比我知發生咩事？

媽：阿...阿謙佢...要...搬走喇

我即時望住阿謙，隻眼無眨過，凝視著佢一秒一秒咁過，慢慢流下一滴又一滴嘅眼淚



阿謙嘅雙眼亦被眼淚水包住，佢強忍，我知佢好辛苦

依個時候，阿謙攞起佢嘅碗筷放喺廚房，慢慢行返佢間房

而我，成個身體亦保持原狀，無郁過，亦都唔敢郁

突然間好想時間停頓，咁阿謙就唔會離開我地

我安頓咗我阿媽之後，佢再話我知阿謙月底會搬，姐係距離仲有個半星期



果日我咩都唔想做，唔敢入阿謙間房，唔敢whatsapp佢

依個禮拜我幾乎冇乜同佢講過咩，每日一句起，兩句止

直到佢搬走前2日，我攝咗張紙條喺佢房門下

 


『我哋仲會聯絡架可？』

『當然，我搬去你屋企附近咋嘛』

『我係咪隨時都可以搵你？』



『緊係可以啦』

我沉默咗一陣，我即刻攬住阿謙，個身不斷震。依個時候，阿謙用佢雙手攬住我實一實，

佢大概都知道我喊緊，之後佢一句：傻妹，令我喊得更加厲害。

阿謙走果日，我對佢依依不捨，而我阿媽亦顯得悶悶不樂。當我阿爸送佢走時，佢回頭一望我

，就離開咗我屋企。其實我想跟埋去，當係順便幫下佢手執下野都好，但係阿謙唔比我去。講

真，其實我唔需要諗得咁灰，果個一星期一聚依然會繼續，whatsapp仍然可以send message

，想見，亦可以隨時去對方屋企見下面，只係無咁方便，無咁快捷。不過，我嘅心真係好亂。

照道理，我唔應該咁掛住阿謙。儘管我同阿俊嘅關係麻麻，但佢始終先係我男朋友。我對阿謙



嘅感情或者只係一時之間嘅不捨得。無論如何，我實在搞不清現況－－好亂好亂好亂！

至於我同阿俊嘅關係已經去到一個不想再理嘅地步，由每日一電變成3至4日先講一次電話。我

承認我嘅心理已經去到憂鬱咁滯。有時，我不停說服自己唔好諗到咁灰，可能阿俊佢真係唔得

閒，但同時心中嘅魔鬼亦成日話我知：如果佢係緊張我，愛我，就唔會咁耐先搵一次我啦！當

天使與魔鬼鬥決嘅時候，受苦當然係自己。想搵人傾訴，不過家人唔知情，朋友唔會明白，老

師社工更加唔會係我好好嘅傾訴對象，剩下嘅只有阿謙一人。無可否認，每次我到佢樓下搵佢

傾計嘅時候，都係關於我同我嘅男朋友。有次，阿謙終於頂唔順，叫我同阿俊分手。



『你咁樣又何必呢？點解佢咁對你仲要想繼續同佢一齊？』

『我唔知，我真係唔知應該點做！我...我對佢唔知仲有冇愛，但我真係唔敢提出分手，更加唔捨得我同佢嘅依段關係，因為到依家我仲未知道近排佢究竟
發生咩事，諗緊咩，所以我唔想亂咁嚟，我唔想同佢講分手但原來佢仲愛我，咁到時點算？』

『有人對你好，你忽視，佢對你差，你仍然死心塌地愛佢。我無野好講，或者過一陣會冇事。夜啦，你返屋企啦，我仲要趕project』

『阿謙啊...』

『快d返屋企啦，bye bye』