茅山法事揭秘: 1. 瑪姬玩具老細
只係用過一晚嘅「小粉」就叉唔到電，於是「寧寧」帶埋單據去「瑪姬玩具」打算更換。
大熱天時必備嘅單薄背心，個樣依然包到冚，行入去玩具連袋放上櫃枱，
照舊變聲吊高聲線 "唔該，個玩具好似有啲問題”
坐喺櫃枱點算緊貨品嘅老細，水平線望望前方，胸前半濕透嘅吊帶背心，成對波擺咗上枱面霸佔大半視線，再微微抬高望望面前聲音來源，眼定定 “啊…妳…妳咪之前個靚女~，個玩具有咩問題呢？”
我望住佢講嘢，就好似琴晚佢喺屏幕上講嘢咁打咗個突，自尋煩惱毛病又發作，心諗 「佢點知我琴晚做直播㗎！？」 嚇到攞晒啲嘢轉身正想離開。
唔信自己貨品咁差嘅老細 “喂，咁就走啦有緣人，我啲玩具無理由咁快壞喎，不當使用唔包換㗎，俾我睇睇先”
停下腳步定個神，哦，佢應該只係認到我嗰日一樣包到冚嚟幫襯啫，況且一個玩具又可以點樣不當使用呢？即管行返上前聽佢講乜。有緣人？ 都算係嘅，由我搵情趣用品撞到呢間開始，計埋而家算係第3次見到佢。
望住老細揸住「小粉」凌空模仿幾個使用情況，愈嚟愈近上下睇吓邊個位置出問題，忽然諗起琴晚無電用唔到時，又唔想濕水叉電，搞一輪最尾都係用唔到，就咁擺低咗完全唔記得清洗！咁尷尬嘅情況，我手背遮住口罩下嘅傻笑唔知點好，
身後邊一把女聲 “係咪反轉咗個C型用，肉緊過籠扯鬆咗裏面啲線呀？”
一個長長金髮、戴住鴨舌帽、口罩、低胸背心，上圍唔算豐滿，胸口有啲字樣紋身嘅女仔，由後面行到我身邊望住我 “我上次都係咁樣整壞咗一個，嘻”
老細手指指 “妳個衰女叫你早啲嚟幫手睇舖而家先嚟，仲好講上次，上次俾我睇完個嘢先話未洗過！”
金髮女仔 “咁梗係用完先洗嘛，都未用完！” 轉頭又望向我 “啱唔啱呀？嘻…尋開心時發生啲咁唔好彩嘅事，咁似我上次黑氣纏身嘅~，師傅係咪呀？”
又衰女又師傅聽到我一頭霧水之際，老細解釋 “呢個係我契女又係我弟子，佢講嘅黑氣，全名係「中陰黑氣」，如果係女人被纏上會好麻煩…” 一雙手指作畫符狀點過雙眼，望望我頭頂再望望週圍 “…唉…真係咁，都係唔講喇，驚嚇親妳…”
被人咁樣望忽然涼咗一截，潛意識縮低跟住望吓自己頭頂週圍，都唔記得咩變聲唔變聲 “唔係有飛曱甴呀…？”
老細無理我，一雙手指對住「小粉」作畫符狀，收入一個黃色布袋合掌口噏噏，轉頭攞出新貨 “原本操作不當嘅損壞係唔包更換嘅，而家我換一盒新嘅俾你算啦，我哋緣盡於此，請回” 遞手指向門口方向。
金髮女仔好緊張咁同我講 “最近係咪有樣嘢總係令你唔開心，硬係放唔低咁呀，我上次中招前都係咁呀！”
見我無回應，跟住緊張到就喊咁 “師傅你好似上次幫我咁幫吓人啦~！”
聽見老細似乎有啲心軟嘅口吻 “…唉，整定，一切都係整定…紫盈，你兩個係舊同事啱咀形啲，去坐低慢慢傾吓先，我需要啲時間”
未搞清楚發生乜事半信半疑之時，仲要嚟一個震憾訊息！舊同事、「紫盈」再加埋把聲嘅記憶碎片快速喺腦內穿插，雙腳好似唔聽使咁被金髮女仔慢慢扶住行出舖頭，行到出門口稍為定神，身邊個女仔，點睇都唔似以前成日見嘅舊同事呀！老細又點會咁神通廣大知我做邊行！！
成個腦都係呢兩師徒嘅對話， 心諗「最近真係覺得成日都行衰運，連個玩具都要玩我，仲要唔只呢排有嘢放唔低、唔開心，係同哥哥嘅關係一直都唔開心！」
--
入到咖啡店，一路都未搞清老細點知我身份，但更大嘅問號梗係坐喺旁邊，金髮、紋身舊同事「紫盈」！外觀直頭完全唔同，絕對係兩個人！叫完餐點，紫盈除低口罩，撥高頭髮 “好耐無見呀，寧寧” 向我伸脷鬼臉，一粒脷環出現又再嚇我一驚！
收回鬼臉 “唔使咁震驚，戴住口罩都認到妳個驚青樣，除咗先啦，我知道自己做緊乜，所有嘢都係修行必要㗎，遲吓妳就會明。講返妳先，上次上堂師傅播放舖頭嘅閉路電視，以個案形式講解「中陰黑氣」，話呢個個樣包到冚嘅女仔頭頂黑氣纏繞，問在座邊個夠法力睇到，幾個師姊話睇到呀，我自問就睇唔到無出聲。”
“不過話妳知吖，嗰日我睇完舖行商場，喺人群中見到一個離遠戴住口罩嘅身影，好似係妳但又唔肯定，喺出面碌吓電話睇吓有無相比對吓，摷吓妳電話啦，好快妳就去完廁所包到冚出嚟，同妳揮手啦，妳又頭耷耷雞咁腳無理我愈行愈遠，叫妳妳又唔應，跟住就喺人群裏面消失，以為妳心情唔好咋~”
包到冚去買情趣玩具，又點會估到變裝前已經有熟人見到… “呀…係咩，妳見到我呀？…不過寧寧呢個名咁普通我點應呀，咁妳有無叫幾次先？況且到而家我都 未 認 到 妳 呀~”
可能知我想講佢外貌，紫盈又駁返入正題 “算，講返正題，條片去到後面，妳驚到無變聲開始就好好笑，把聲同以前一樣咁驚青，身材同以前一樣無變過~” 舉起手指撥一吓我乳頭位置，
我縮一縮，就好似以前同枱食飯一樣咁平常… “個反應直頭同妳天氣報告蝦碌嗰次一模一樣，哈哈…。”
紫盈回個神 “講到邊度呀？”
我答 “上堂呀，衰嘢唔好講啦~”
“呀係，跟住師傅啄住我問點解學法咁耐都睇唔到黑氣仲要笑，我話我可能受到師尊感召，講咗啲同妳同廠嘅點滴，師傅先再無為難我咋~”
我都除低口罩飲啖咖啡 “妳剩係識得笑我，妳啲蝦碌無人擺上網咋，好喇，外貌妳唔講我都唔會勉強，咁妳話上次中招講得喇卦？”
紫盈收起笑臉 “啱啱咪講咗上次將個「小粉」大頭插陰道，細頭嗰面錯誤反轉個C形去肛門時拗鬆咗啲線囉，妳應該都係㗎”
估唔到佢咁簡單直接形容晒點樣整壞部機… “點用唔好講啦，我意思係妳點扯上黑氣呀？”
“哦，黑氣唔係扯上㗎，係人人都有睇吓多定少，簡單講妳可以當係道教眼中嘅負能量， 師傅話如果呢方面嘅負能量累積到包實成個人，俗語就係烏雲蓋頂、黑過墨豆、頭頭碰着黑，一定無好嘢發生㗎。情況就好似細胞累積多咗受體，病毒就多咗渠道走入嚟，即係話，撞啱嘅話就會被鬼上身影響㗎，未學過法嘅人就會話運程黑到撞鬼或者撞鬼咁黑，師傅話其實呢啲就係「因果關係」。醫生都有講啦，唔想病就一定要由「預防著手」，即係話，要預防鬼上身首先就係驅除黑氣，就係咁簡單”
聽到病毒、受體、因果關係又預防著手似乎有啲道理，只係一時太多資訊未消化到，諗到啱啱老細望住我頭頂欲言又止，咬手手追問 “咁啱啱師傅係咪已經見到我烏雲蓋頂無得救？”
紫盈見到我又咁驚青，用手輕拍安慰我 “點會無得救呀，我哋個壇大大個師傅師尊喺度，我咪師傅佢哋救返囉，唔怕話妳知，師傅同我做完法事後，仲尊登請高僧幫我紋經文話趨吉避凶，妳見到胸口呢個就係嘞，之後成個人脫胎換骨咁，仲真係第一次中到六合彩細獎添，”
「“有時啲嘢真係唔到妳唔信㗎！”」
完全感受到紫盈得救嘅喜悅 “其實呢…其實做法事嗰時係點，恐唔恐怖㗎？”
“我知妳諗咩，唔使驚㗎，好光猛好似睇婦科咁咋，飲杯符水瞓喺度等師傅施法，法事開始後有乜嘢都好，要忍住道氣唔好講嘢，無洩氣下法力會由體內逼出毒素驅走黑氣，旁邊又有師姐扶法，全程攤喺度好似瞓覺咁斬吓眼就過，完成仲送妳監控攝錄機嘅記憶體，發生過咩都一目了然，係咪多一層安心先？”
聽到有女人在場又有監控，簡單直接描述法事過程後，令我真係安心唔少 “無喇？咁簡單咋咩？”
“師傅話除非係有妖孽「附身」，咁就要上神壇恭請驅魔棒，寫上紅色符咒後插入下體，代表師尊正面對決，直接驅邪扶正。”
“咪俾驅魔棒個名嚇親，我試過喇，都係一支普通嘅假狗玩具啫，妳應該試唔少啦，嘿嘿” 跟住伸手過嚟唧我條腰，唧我小腹，搞到我閃嚟閃去喺咖啡店大笑。
“放心喎，妳點睇都無我咁嚴重吖，今晚我都要覆診，妳可以嚟睇吓法事係點先，到妳嗰陣，我會一直喺身邊拖住妳手陪住妳。”
接過紫盈溫暖雙手，所有問題都溶化晒 “都係我先啦，費事好似舊時喺更衣室見妳瞓到成隻豬咁，咁我到時點算呀？哈哈哈…”
紫盈打電話同師傅講今晚兩個一齊到，約實時間後，兩個舊同事相聚自然雞啄唔斷，好快就過咗一個愉快嘅下晝。