情人節那一夜，我被車撞了: 你不是怕吧？﹙思﹚﹙上﹚

這天人不算多，天氣也不算熱，也挺好的啊，大概是時間還早，人們都等著晚上才進來玩鬼屋吧？ 

思河挽著vicki走在前面，我跟阿晨就在後面並肩而行。 

「話時話，你地拍左幾耐拖？」阿晨無聊的問道。 

「老實講，我都唔知我地算唔算拍緊拖？」 

「即係點？我見你地係情侶咁喎。」 





「我有兩個女朋友。」 

「下？一腳踏兩船？唔似喎，教我得唔得？」 

「頂你唔明架喇，或者過左聽日佢又唔係我女朋友…」 

「講野咁玄既？」 

「算啦唔好提，咁你地呢？我見你地幾sweet喎，成日比人傻仔傻仔咁叫。」 





「比人叫傻仔都叫sweet？我地拍左都…都有半年。」 

「話長唔長話又唔算係短喎，你怕唔怕到時你地入左大學…」 

「怕，好怕，但係我知要走始終會走，係我既就我既，有Ｄ人結婚對象係中學同學，有Ｄ中學情侶一上大學就散得好快。話唔定有朝一日呀淇會同我講：come on james…」 

「你英文名叫James咩？洗唔洗咁悲觀呀你？」 

「我份人係咁，可能係缺點，不過有時向壞果方面可以有定心理準備，唔係咩？我好想珍惜同佢既時光，無論係做Ｄ咩。」 





嗯，有時候向壞方向去想…如果我有一天會完完全全忘了思河…我不敢想像，也不願去想。 

「講下你地既事？」他這樣的看法讓我對他們的關係來了點興趣。 

「記得果陣我有一個鍾意左好耐既女仔，而呀淇都對佢之前既男朋友念念不忘，但係後來同呀淇相處耐左，發覺自己慢慢慢慢鍾意左佢，會好在意佢一舉一動，佢唔開心我又會唔開心…後來佢放低左前男友，我都發現原來我一直鍾意既女仔其實只係習慣地鍾意，而唔係真正咁鍾意，所以最後我同呀淇一齊左。」 

「習慣地鍾意？」 

「即係你一直鍾意一個人好耐，去到你自己已經分唔清到底你係覺得自己係鍾意佢，定係你真心鍾意佢。」 

「到你講野玄喇喎。」 

習慣性喜歡？我敢肯定自己對思河的是確確實實的喜歡。