二手煙: 新環境

艾倫走出𨋢門

「吸」艾倫的眉頭再次皺起來

走到一道敞開的門前，那是一道可以兩邊開的大門，門的中間有一部唧車，艾倫瞥了一眼後就到裏面，那裏有一位年輕男子

「你好，我係嚟炒散嘅」艾倫走到男子面前算到

「哦，臨時工」男子反應過來「你擺低啲野先，一陣有人嚟帶你」





艾倫放下他的物品後在左看又看

一位女人走進來

「Koby，呢個係今日嘅臨時工」男子跟女人說到，艾倫眉頭向上剔了一下

「Hi，你好」艾倫點了點頭

「之前有冇做過？」





「冇」

Koby雙唇抿了一下「ok，我同你簡單講下，你喺呢度做包裝，將大箱嘅肉分成細包嘅肉」她舉起右手，掌心面向艾倫，指向她的右邊「呢邊係Cooler裝凍肉嘅」然後她將手向艾倫方向靠近「呢邊係Freezer裝其他野嘅」

艾倫點了點頭

𨋢門打開，一名男人拖着一個木架，木架上一箱箱疊得比男人高

「放喺嗰邊得啦」Koby指着𨋢門對出的空地





「簽收啊唔該」男人將木架放下後拿出紙及筆

「唔該」Koby在紙上簽完名後還給男人

男人離開

陸續有人來到

一隻手從一個大箱之中拿出雞翼，把它們扔進細袋裏，「啪」細袋被扔到桌上

「唔…」一雙手執着膠袋開口的兩邊往機器方拉去，開口被黏實

「啪，啪」一個個包着雞翼的膠袋被丟在紙箱裏

「幫我頂一頂先唔該你，我要去個廁所」男子向艾倫說到





艾倫走到男子的位置

「唔該晒你，你真係好人啊」男子搭了搭艾倫的肩膊艾倫瞥了男子一眼，男子伸手進他的褲袋裏

「你啱啱考完試啊？」Koby問到，聲線比剛才高亢

艾倫看向Koby，頓了一頓「係啊」

「唔，唔」一塊大膠膜被鋪在一個有着16塊肉排的桌面上，「癡…」膠膜裏的空氣被抽走

「嗒，嗒，嗒…」一張張印有「澳州穀飼牛」的貼紙被貼到一塊塊牛排上

「咁即係你喺度做到7月份等放榜係咪？」Koby嘴角上揚，眼角魚尾紋開始跑出





「呀，係啊，點解你咁熟嘅？」艾倫嘴角抽了一下

「我個仔都係今年考試，佢而家日日喺屋企度攤，睇到我眼淵」Koby拇指及食指放在鼻樑兩側

「哦…」

「睇下你幾乖，等放榜都出嚟做野」Koby

艾倫嘴角上揚

「啊…」艾倫走向Koby，Koby低下頭，眼睛上看地朝向艾倫

「想問點解你個名係咁樣嘅？」

「咩叫咁樣？」





「即係點解叫Koby嘅？呢個唔係籃球員嘅名嚟㗎咩？」

「哦…」Koby嘴角上揚「我同我老公成日去日本，佢去親都要食神戶牛排，咁我咪改個名等佢日日都有得食囉」

艾倫發出「噗」一聲，嘴角左右拉開讓上下顎的牙齒露出來

Koby嘴角上揚，右手從褲袋裏伸去，拿出一包煙，倒過來甩了兩下後打開蓋子，用上下顎牙齒咬着一根煙拉了出來

艾倫雙唇合上

「嗒」一小撮火焰點燃Koby雙唇間的煙頭「啊，你可唔可以」

「唔可以」





「你講咩話？」

艾倫看向地下