二手煙: 對話

「叮」火機蓋被打開

「嚓」打火石與齒輪之間的磨擦產生出了火花，在與雙唇之間的煙頭相接觸之時，一隻手將整支煙取走，雙唇之間只剩餘一個小洞，而這小洞因為驚愕而張大

Max向左看，艾倫將他手中的煙折成兩半後扔在地上，Max站起身，右手摞起拳頭往艾倫肩膊揮去，艾倫縮起肩膊承受了厚重的一拳，他右手伸向左手與肋骨之間夾着的汽水，遞給Max，Max接過汽水

「喀嚓」汽水罐被打開

「嗗嗗嗗，啊」二人不約而同做出同樣動作，喝了一口汽水後，，二人雙視一笑





「So？簽完啦？」Max打破沉默

「Yes」艾倫點點頭

「佢有冇講啲咩？」

「聽日見啦」

Max眉頭上揚，點了點頭後喝了口汽水





艾倫張開口，然後又將其合上

「吸，呼」鼻子呼了一口氣

「咩事？」Max沒有轉頭問到

「多謝你」

「噗」Max噴了一口水，張開雙手「wow, wow, wow, 大佬，我哋唔好咁gay住，做咩無啦啦講多謝？」





「你係個好人」艾倫沒有語氣說到

Max搖了搖頭，喝了口水「對自己方便嘅人就係好人，即係我對你好方便所以你多謝我？」Max看向艾倫

「唔係…」艾倫頓了一下「只係，我發覺，其實食唔食煙；我唔應該因為人哋食煙就憎佢哋」

「食煙嘅，都有好人」艾倫看向Max

Max頭側了側，嘴角向上同時向艾倫單了一眼

「唔食煙嘅人，其實都唔好得去邊」艾倫左手中指與拇指夾着汽水罐左搖右搖

「嗰度同呢度，大家都係一樣」艾倫微笑着，搖了搖頭

Max嘴角上揚看向艾倫「好似冇見過你笑喎真係」





「係咩?」艾倫笑着露出牙齒

「梗係啦你成日都係嗰個樣，同你講野你就『哦』，擘大口得個窿咁樣」

「咁我嗰陣未諗清楚啊嘛」

「諗清楚啲咩？」

艾倫頭側了側，嘴角向上同時向Max單了一眼

「我同你講，你就係咁樣個態度所以多姐唔妥你」

艾倫攤開雙手「所以你想我點？」





「要改囉，起碼見到人點個頭都要㗎啦」

「我盡量」艾倫點了點頭

Max喝了一口汽水「所以你想喺度做幾耐？」

「做住先囉，好似你咁」艾倫看向Max

Max看向艾倫「多姐同你講過啲咩？」

艾倫頭側了側，嘴角向上同時向Max單了一眼

Max轉過頭，喝了口水

「所以你諗唔諗住講？」Max眉頭上揚，將汽水一飲而盡「啊…」





「我讀完書出嚟，碩士」Max語氣上揚「跟住入咗間公司做，每日朝早就係起身開會，跟住做到夜晚7點，有時仲要OT添，都唔夠一年，就俾人兜走咗，而家咪喺度做住先囉」

「咁你會喺度做幾耐？」

「下年年中走㗎啦，去荷蘭」

「喔…漂泊的香港人」艾倫嘴角上揚

「所以你想喺度做幾耐？」

艾倫吸了一口氣「我真係唔知」

「點解呢？」





「我申請咗居屋」

「你又知你實抽到？」Max嘴角上揚

「唔知㗎，所以咪做住先囉」

「咁你加油啦喎」Max搭着艾倫的肩膊

「放心啦」艾倫頭側了側，看向前方

「我會做好呢份工」