[GL] 拾起月亮的碎片: 06

鄭映月懷疑自己聽錯，瞪大雙眼，再度確認道：「……你屋企？」
橙髮女生點了點頭：「嗯，我就住呢頭附近。」
「呃……」
鄭映月皺起眉頭，苦惱該如何回應，鮑伯頭女孩急忙補充道：「啊，當然前提係如果你唔介意……的話。」
「我自己搵個地方過夜就得喇。」
「但係呢度附近……都無地方可以俾人通宵過夜。」
「……」
對方說得一點也沒錯，這附近充其量只有一個小公園能讓人待上一晚。然而，即使這裡是住宅區，但鄭映月也不敢獨自待在深夜無人的公園。她亦沒有可以依靠的友人，身邊的人大都已婚，不能隨意上門打擾。
「但係咁樣太麻煩你啦，而且我哋大家都唔認識大家……」
橙髮女孩閒言彎起嘴角，拉開鄭映月對面的椅子坐下，以爽朗的語氣作自我介紹：「你好！我叫楊悅晴，大家都叫我悅晴！」




鄭映月先是困惑地眨了幾下眼睛，弄懂對方話中之意後，她忍不住笑了出來，「呵呵……我叫鄭映月。」
「咦，我哋個名都有個同音字喎！我係『喜悅』個『悅』，你呢？」
「我係『月亮』個『月』。」
「鄭映月……你個名好靚，我可唔可以叫你做……」楊悅晴思索了一下，瞇起眼睛：「小月？」
「小、小月？」鄭映月十分吃驚，沒想過自己差不多三十歲了，還會被這麼可愛的小名稱呼。「呃……呢個名……恐怕同我一啲都唔相襯。」
「點解？小月呢個名好可愛，好襯你喎。」
「我已經唔係可以被『小』稱呼嘅年紀啦。」
「點會！我估我哋年紀應該差唔多，係咪？」
「……」對方理所當然的語氣讓鄭映月有些錯愕，她指著自己，帶著幾分遲疑地問：「我睇起來似幾歲？」
「嗯……廿六、七左右？」




「……我已經廿九啦。」鄭映月雖然覺得眼前人只是在說客套話，但仍然感到有點高興。
楊悅晴則當場愣住，隨即連忙擺手，慌張地說：「Sor、sorry！因為你望落好後生，我仲以為我哋年紀差唔多！咁我應該點樣稱呼你？叫小月好似有啲無大無細哦呵？定係叫鄭小姐會比較好？」
鮑伯頭女生語速飛快，幾乎沒有換氣，這副方寸大亂的模樣令鄭映月禁不住笑了出來，「哈哈，你唔使咁緊張，我無嬲。」
「真、真係？」鄭映月點了點頭，楊悅晴續道：「咁我應該點樣稱呼你？」
「嗯……隨你鍾意？」
「咁……我可唔可以照叫返你做小月？」
鄭映月垂眉苦笑，「……如果你覺得我呢個呀咦襯得起呢個咁可愛嘅名嘅話。」
「我就係覺得個名好襯你，先會想咁叫你呀。」
楊悅晴瞇起雙眼，那個眼神看似透著一份溫柔，讓鄭映月突然害羞起來。她低下頭，感到臉有點熱。「……你真係識講嘢。」
「嘻嘻，咁我哋而家……認識咗大家囉。」楊悅晴垂眼微笑，鄭映月也跟著彎起嘴角，橙髮女生又說：「咁我而家去換衫，你等等我！」




「但係咁樣……真係唔會麻煩到你咩？」
鄭映月猶豫地說著，依然擔心會為對方增添麻煩。楊悅晴只是以笑容代替回答，站起身來，走進櫃檯後方的一個小房間。
等待對方的時候，鄭映月環顧四周，看見吊在門口的掛牌，上面寫著「opened」的字眼。這是她從店內看過去的視角，也即
意味從外面看進去時，掛牌上會顯示「closed」的那一面。
此刻，她終於恍然大悟，自己闖進了一間已經打烊的店。
當時的她被大雨淋得渾身爆透，一心只想跑進咖啡店，而她也順利推開店家大門，便理所當然地以為它還在營業。
想到這裡，鄭映月深感愧疚，要不是自己突然出現，對方早已回家休息。
之後，兩人一起離開咖啡店，走在染上夜色的街道。楊悅晴前進的方向，與鄭映月平常的歸家路相同。  
走了大約兩、三分鐘後，楊悅晴拐進右手邊的一棟大樓。鄭映月不禁僵在原地，露出難以置信的表情。 
聳立於眼前的，是她所居住的大樓。

====================
歡迎來Threads找我玩
https://www.threads.net/@dec.0811