我男朋友,佢唔係鬼,亦唔係人。

我真係好中意佢,我由中二個年已經暗戀緊佢,一直到中三都冇機會開聲。
點知,岩岩升左中四冇幾耐,佢就已經……

* * * 

開學第一日。

我地學校係山上面,每日朝早熱到喊出黎咁行上去真係命都少半條。(不過都捱左三年啦)





不如我開名先,我係陳瑜殷,今年升上4c,而選修科就讀PHY,ECON同ICT。我目標係想入科大,我對ICT既熱誠已經唔可以用三言兩語黎形容。

好鬼開心既就係,我暗戀左成年既佢,都係一個ICT天才,又咁岩入到C班。

今年課室係4樓,比舊年又要行多一屠。(算啦行左3年上山,區區個4層樓算乜)








佢呀爸由中一到而家都風雨不改日日專車接送佢番學,7點35分準時到學校(搞到我冇機會搵佢一齊番學*我係巴士黨)。不過佢天生有心臟病,所以每個月第二個星期三都要請假去醫院做一次body check。




好記得中二我未算太熱戀佢個陣,係課室同佢一齊坐過3個月左右。而係中三個陣,唔單只有2次一齊坐既機會,連我地float到lab個座位都係一齊坐,所以先暗戀左佢咁耐。不過我明白既,佢成績好到年年都可以有全級第五名,好似我呢種有60名都已經好鬼開心既人,邊到襯得上佢……所以得閒可以同佢傾到計,一齊做數,我已經覺得好開心好滿足。








突然間,好希望時間可以永遠停留係我同佢一齊既時刻,永遠唔好變……

無所謂啦,希望在明天呀嘛。




死得!我差少少唔記得左我番緊學,掛住想當年而完全忘記左我做緊乜囉……

 
已有 0 人追稿