圍城 上冊 “香港篇”: 第二十八話
第二十八話
2024年7月7日 0900時
創新路
當劉軒宇擊斃數名黑衣人後,寗嘉安急忙避至掩護物並用對講機叫道“狙擊手,攻擊”。即時發出[嘭,嘭]2聲,劉軒宇左臂中槍倒地。
趙雙雙即時拖劉軒宇逃離狙擊視線。
此時圍城作戰車隊殺出,高敬方及張文遠帶著作戰部隊進行還擊,黑衣人即時處於下風,寗嘉安正想反擊時,[嘭,嘭],2名黑衣人狙擊手從高處倒下,原來黃漢升於高位向黑衣人進行狙擊。
寗嘉安見此便叫眾人撒退。
清理完餘下喪屍後,劉軒宇行至狄青龍旁並拍一拍花錦榮肩膊,然後就抱著花錦榮及狄青龍,2人便放聲痛哭,在旁人士均流下眼淚,因為眾人均知道劉軒宇3人感情非常要好,而且係佢地3人嘅努力下才有今日嘅圍城,所以所有人都感觸落淚;此刻劉軒宇在想“我係咪做錯咗,我唔應該去拯救其他人同查瑞安,如果當初只係諗住我地3個人點樣生存落去,係咪唔會發生今日嘅事”
“領主,你落命令啦,依架你更加要振作起黎呀”賈充到劉軒宇身邊道。
劉軒宇沫乾眼淚後站起,花錦榮將手中1條頸鏈遞給劉軒宇說“依條頸係阿龍諗住過埋今日就送俾李若童嘅”
“由你代阿龍轉交啦,你仲想唔想去,如果唔想你可以返去先”劉軒宇說道。
“我去,我知阿龍係好想幫你完成今次任務,我會完成佢嘅願望”花錦榮道。
“好,我地出發”劉軒宇命令所有人清點傷員後再整裝出發。
科學園主樓
“如果唔係我當日幫你地偷走份證明,你地個研究所早就被封鎖,依架人地打到嚟啦,你地諗住掉低晒啲嘢走人,咁我同我啲伙計點?”寗嘉安對對1名男子說道。
“當日我地收買你地係為咗我地可以繼續進行依個非法病毒研究,你收得錢就預咗會有今日”那男子回應道。
“就係因為收咗你地錢,我全家俾喪屍咬死晒,依架你仲想就咁走,仆你個街,去死啦”寗嘉安說完後便即刻拔槍,其身旁黑衣人即時將佢制服。
“屌你老母, Gordon Lee”寗嘉安怒吼道。
“佢地係我俾你去指揮,但你只要一背叛我,佢地就唔會再聽你指揮”Gordon Lee指著其餘黑衣人。
此時突然玻璃碎裂聲。
“李教授,圍城嘅車隊已經攻咗入嚟‘’1名黑衣人道。
“即刻將所以資料上存,並且消毀,同埋將將DR-24放出黎阻止佢地,然後其他人撤往湖北研究基地”Gordon Lee說完後便向緊急通道離開。Gordon Lee於車上回望科學園主樓心道“劉軒宇,我會記住你,我地會再見嘅”
圍城部隊攻入科學園主樓並開始向黑衣人進行攻擊,黑衣人火力完全被壓制下相繼倒地,最後賈充帶領鄭捷等研究員到2樓研究所內。裡面已人去樓空,鄭捷等研究員開始搜尋可用資料。
但此刻1隻巨型喪屍突然躍至主樓大堂,並且狂吼,頓時主樓玻璃碎裂,陌刀隊即時列出盾陣準備迎戰,但劉軒宇發現這巨型喪屍嘅吼叫聲原來係召喚附近喪屍嘅叫聲,過百具喪屍開始從主樓外及主樓冷氣槽洶湧而至。