圍城 上冊 “香港篇”: 第三十七話
第三十七話
2024年7月11日 1600時
寗嘉安令洪勝人員前往屠房作佯攻,另外其主力人員未有出發等待機會。
趙雙雙嘅遊擊隊成員見到相信係洪勝嘅人員向屠房出發,便回鳳溪中學匯報,劉軒宇即時下令全員準備。
當洪勝人員到達時便開始佯攻屠房,賈充於圍牆上觀察,並發現對方火力無想像中強,賈充即時驚覺劉軒宇會中埋伏,故立即命人通知劉軒宇。
正當劉軒宇前往屠房想伏擊敵人時,便收到賈充通知可能會中敵人埋伏,劉軒宇即時想下令撒退。
但張正嵐已經帶人殺出攻擊劉軒宇部隊,由於事出突然,所以陌刀隊及遊擊隊未能作出即時反應,故造成不少傷亡,劉軒宇及魏文長即時指揮眾人重整陣營,而趙雙雙及花錦榮就帶人於前方進行掩護。
此時,於屠房外寗嘉安突然現身,並手持迫擊炮準備向屠房內發射,賈充見狀即時叫眾人閃避,黃漢升亦即時向寗嘉安瞄準,可惜時間太傖促,所以黃漢升未能準確瞄準便要進行射擊,故只能擊中寗嘉安手持迫擊炮槍柄,但迫擊炮已經發射,慶幸是由於黃漢升擊中迫擊炮槍柄,導致炮彈未能有效命中屠房主樓,但都已經出現大火。
賈充即時叫眾人盡快將物資及牲口運出主樓外看管,同時令命趙世雄重組防線向寗嘉安反擊。
但寗嘉安未有再繼續進攻,反而係選擇撤退,另一方面,正當劉軒宇部隊被伏擊情況下試圖反擊時,張正嵐聽到迫擊炮炸響後亦即時下令撒退,劉軒宇及賈充見狀未有下令追擊。
而寗嘉安原來係除帶戰員撒離戰場外,還有帶走了於石湖墟內所有青狀離開,張正嵐向寗嘉安會合後問道“寗sir,其實點解要撒,明明我地都炸到屠房,令圍城大亂啦”
寗嘉安望向北方回應“你諗下1枚迫擊炮可以令圍城嘅人亂到幾耐?佢地訓練有素,可以好快重整陣型同即刻可以向我地進行反擊,相反我地嘅人作戰經驗不足,只能夠靠我嘅計謀偷一啲時間差去令佢地造成壓力,所以只能速戰,不能持久,所以我地必須撒退,避免損失”
之後寗嘉安便帶人逃往內地。
同日 1730時
圍城眾人收拾戰場後便發現石湖墟內只淨低一批老幼,並從那批老幼得知石湖墟剛才發生過甚麼事,而這些老幼就被寗嘉安遺棄,劉軒宇便安排人員送這批老幼回圍城生活。
“領主,我估計錯誤,令我地今次戰事有10多人傷亡”賈充慚愧道。
劉軒宇拍一拍賈充膊頭“邊個會想到寗嘉安個仆街會咁樣利用我地去偷襲洪勝,之後再銷毀屠房物資庫都唔想我地得到物資,好彩我地都救到7成物資出黎,否則我地就真係損失慘重”
劉軒宇便下令眾人帶同物資回圍城。