圍城 上冊 “香港篇”: 第四十話

第四十話
2024年8月1日 1900時
劉軒宇於自己住所內與4女進餐，而程瀟現階段為科技及醫療部轄下教育署主管，負責教育工作，吳宣儀為財務部部長，而孟美岐為土地發展及基建部轄下作坊署主管，另外趙雙雙負責情報部。
4女須為領主夫人，但仍堅持希望係圍城作出貢獻，故劉軒宇有此安排。
程瀟望向劉軒宇“今次前往內地，你有咩打算？”
劉軒宇回答“根據徐四民提供嘅情報知道瑞安係除咗湖北武漢外，廣州市都有研究所，所以我想先係深圳市建立據點，之後再向廣州市進發，目的要阻止瑞安嘅陰謀，另外徐四民亦都話中央政府雖然淪陷，但仍然有人自稱係中央政府嘅政權出現，所以我想知中央政府仲存唔存在，如果存在，我想幫中央政府恢復對中國嘅控制權，並且救助人民”
趙雙雙笑道“你仲係咁想救人，仲係無變過”
其餘人聽後都笑了，4女均知道劉軒宇確實有1顆救人嘅心，而且亦知道劉軒宇係未來將來遇到比係香港更多更大嘅困難出現，所以佢地都想盡自己嘅能力去幫劉軒宇。
2024年8月2日 1000時
劉軒宇於圍城檢閱台上向眾人講話“各位，我地今次前往內地，係會有好多未知情況出現，但我相信我地都可以一一化解，只要我地齊心就一定能擊敗瑞安，大家唔好忘記當日喪屍噬咬你地家人嘅痛楚，我地要將依啲痛楚還返俾瑞安”




眾人高呼“戰勝瑞安～”
之後劉軒宇高聲道“出發”
劉軒宇便帶賈充，魏文長，花錦榮，高敬方，張文遠，黃漢升及趙雙雙領200人作戰部隊浩浩蕩蕩出發。
“爸，你覺得佢會唔會成功”徐四民之長子徐繼雄問道。
“佢成功與否都唔可以阻到我地嘅計劃，作為商人同造皇者，利益只會放係第一位，如果佢失敗，咁我地咪成就另外一個人上位囉，總之我係財務院任職高位，你係政務院任職，你細佬繼宗係作戰部當軍官，咁我地徐家嘅地位永遠都係最強”徐四民望向圍城嘅旗幟流揚著。
圍城“香港篇”完畢。