圍城 中冊 “群雄篇”: 第十三話

圍城“群雄篇”
第十三話
2024年8月12日 2100時
劉軒宇一眾人返抵深圳城後程瀟、吳宣儀及孟美岐即時緊張地檢查劉軒宇身體，劉軒宇無奈道“你地放心啦，醫生話係皮外傷黎，唔駛咁擔心”
吳宣儀心急道“點唔擔心，你以後唔可以再咁搏命同將自己放係危險點啦”另外2女亦不斷點頭。
劉軒宇溫柔地摸3女頭部及點頭，趙雙雙作個鬼面道“你巴閉啦，咁多人關心你，唔駛我理你啦”
孟美岐笑道“趙姐，你當然要理佢，你以後要捉實佢唔俾佢落戰場”
之後眾人回家休息。
2024年8月13日 1000時
劉軒宇於深圳城會議室內向眾人訓斥孫敬農及賈充於徐四民叛逆事件上處理不當，故將2人均降職至參謀部戰略署參謀職位，2人均明白劉軒宇用意想堵塞眾人口實，避免被人說劉軒宇包庇下屬及處理不公；而劉軒宇亦著令連俊凱向其餘死士或人士活口進行調查，如確實罪名就交由律政部進行審判，有關審訊結果均須交由其審批落實刑罰。




之後蕭俊向劉軒宇道“領主，現今我地圍城除深圳城及香港城外，已經係汕尾設立據點及接納咗廣州商會嘅歸降，依架由於我地圍城大有統一廣東省之勢，所以屬下建議領主應該再派人到陽江市及汕尾市正式建立圍城生活圈，並將附近地區嘅生還者吸納成為領民，除此之外，屬下亦建議於揭陽市、茂名市及韶關市建立軍城，軍城作用係以駐軍作為各圍城第一道防線，從而避免各圍城直接面對敵軍攻擊”，期間蕭俊係廣東省地圖上指出各地位置及佈防位置。
劉軒宇聽後環視眾人，孫敬農及賈充率先表示讚同並稱此策可為圍城增加日後與全國各勢力及瑞安抗爭本錢有莫大益處。
但陳昱否決道“領主，廣州城及汕尾市據點新定，我地須要時間去消化兩地人口、勢力及物資，如果根據蕭部長方案，我地會消耗大量主力人員及物資”
蕭俊聽後補充道“領主，只要有足夠武裝力量去駐守各新定圍城及軍城，咁要消化佢地就不成問題”
最後蔣刑道“領主，屬下認為蕭部長之策甚好，因為可以令圍城穩定發展，但須要動員大量人手落實建設，故屬下認為除深圳城調配人手外，香港城及廣州城都要調配人手，咁先可以加快各據點建設進程”
劉軒宇聽後同意蕭俊之方案，並著令蔣刑、費清及蕭俊安排人手及物資著手實行。
2024年8月15日 1100時
係蔣刑、費清及蕭俊安排下深圳城、香港城及廣州城開始派出人員到各地建立圍城及據點；深圳城城內1名領民道“德哥，咁多人出發去邊呀？”
德哥回答“阿強，依班人係去為領主建城同建據點，目的係統一整個廣東省”
阿強聽後道“咁領主咪可以成為一方霸主？”




德哥回應道“霸唔霸主又如何，只要我地生活穩定，唔駛再受戰火或者喪屍襲擊，就係我地依啲老百姓最大嘅期望，希望我地嘅領主做得到啦”，之後德哥及阿強望住大隊人馬出發離開深圳城。