圍城 中冊 “群雄篇”: 第十九話

圍城“群雄篇”
第十九話
2024年8月25日 1500時
劉軒宇人馬到深圳城後便即刻進行會議了解廣西張天文駐軍玉林市情況。
趙雙雙率先道“領主，根據我地情報及搜索隊探查得知張天文麾下大將陳公譚領300人馬駐紮玉林市，佢地嘅搜索隊正四出巡查四周附近情況，當中佢地有一半搜索隊於茂名市軍城一帶巡查搜索”
劉軒宇便道“自佢地突然中止同我地貿易之後，佢地就加大對我地嘅駐軍，又不斷派人探索我地軍城，睇嚟佢地想吞併我地”
賈充道“茂名軍城有魏文長領100人駐守，絕對有能力抵擋張天文直至我軍援軍到達，所以領主只要派1支精兵去支援便可取勝”
正當劉軒宇想同意賈充方案後，鄭雷突然進入會議室並急步行去趙雙雙身邊低聲講了幾句及交低一張紙條，趙雙雙聽完鄭雷說話後十分震驚及站起。
劉軒宇見到趙雙雙嘅反應便問道“雙雙，發生咩事？”
趙雙雙抖震地道“香港城城主白平通知.....中央....國務院 ......秘....秘書長張.....張.....國明到咗香港城，並且...要....要求見....領....領主”




趙雙雙說完後在場所有人均十分震驚，孫敬農最快冷靜下來分析道“領主，中央出現未必係壞事，如果中央係尋求我方庇護，咁我地可以吸納其令我地直接成為正統，如果中央想招安我地，我地就要求擁有自主權下歸降，所以我地必須見張秘書長，到時隨機應變”
劉軒宇從激動嘅心情冷靜下來道“各位我決定親往香港見張國明，敬農、張徹你地陪我去，而張天文攻我茂名就由花錦榮為帥，帶鄒兆龍同黃漢升領150人馬出發，賈充你隨軍出發擔任軍師，楊興起幾續鎮守深圳城，蔣刑、蕭俊、費清，你地3人暫時總領圍城政務，遇事不決就派員通知我”
安排完畢後，各人便按照命令出發8今次係我地兩師徒自喪屍出現後第一次分開行動，你依架帶隊出戰，遇事難決就問賈充，遇戰不明就問漢升，記住作為領軍者，一定要顧全大局唔可以衝動”
花錦榮點頭道“師父，你放心，我會冷靜應對”，劉軒宇拍一拍花錦榮膊頭後親自送其帶隊出征，之後劉軒宇便與孫敬農及張徹帶上親衛向香港城出發。