淫亂Office: Ⅱ﹕(6) 收工 - 好難捉摸嘅女人
......
......
......
一諗起平時一臉冷漠、對身邊所有嘢都好似冇興趣嘅靚女同事，喺床上面卻係對男朋友千依百順嘅淫蕩小貓，我內心嘅慾火就燃燒起上嚟，巨龍扯到恆一恆，好彩有背囊遮一遮住，唔係就尷尬。
幻想始終都係幻想，我好快就回歸現實，飾演返一隻稱職嘅社畜繼續返工嘅旅程。
今日又係平平無奇嘅一日，只不過夠鐘放工嘅時候身為正人君子嘅我為咗避嫌，都冇再等埋Loraine收工，徑自走去搭Lift，點知臨閂Lift門嘅時候，Loraine夾硬衝咗入嚟，仲因為放工時間架Lift超級多人，令到佢唯有要用面向我，幾乎0 距離貼住我嘅姿勢先逼到入嚟。
唔知係因為佢覺得同我熟定係佢邊界感本身就低，佢癡到咁埋都完全冇面紅耳赤，仲好似理所當然咁輕扶住我條腰保持平衡，我地嘅身高差又令佢好自然咁側住臉貼喺我胸前一呼一吸，我嘅心就砰砰咁跳，快到懷疑佢都會Feel到，嗰一刻，我先發覺，原來佢係咁可愛。
仆街！唔通我咁就沉咗船？唔得！人地有男朋友啦，仲要疑似琴晚先同佢翻雲覆雨完成晚衫都冇換，千祈唔可以沉呀Alvin！
每層開門，出面等Lift嘅人一定都會誤以為佢係攬緊男朋友，心諗又入唔到Lift又要比人放閃。
「叮！」Lift門一開，Loraine即刻鬆手，向後褪出去，慢慢行出大廈。佢行到冇乜人嘅位置佢先擰轉頭同我講︰「喂做乜唔等埋呀！差啲入唔到Lift呀！」
「Errr……以為你要OT呀嘛！」我內心緊係諗緊﹕你反正都係等男朋友接收工，等鬼等馬咩！
「吓我似係啲咁睇唔開嘅人咩？梗係盡時收工㗎啦！」Loraine擺出得戚嘅樣，完全冇懷疑過我。
「哦~咁緊係啦！我地要整頓職場呀嘛哈哈哈！」我尷尬咁同佢並肩而行。
「啱呀！都唔知啲上一代以前係點樣捱到日日OT到完全冇晒個人生活，放咗工就返屋企瞓，第日又凖時返工。」
「係囉！想放工行下街或者飲杯嘢放鬆吓都冇時間。」我附和住矮我成個頭嘅女同事。
「點止放鬆唔到呀！仲勁攰呀，我之前返Intern試過要OT到好夜，一返到屋企連衫都冇心機換就攤落床瞓着咗一覺訓到天光……」Loraine越講越起勁，手舞足蹈咁描述佢嘅經歷，佢鼓起嘅白色上衣亦都隨之起起伏伏，將我嘅目光緊緊吸引住。
「咦係喎，你……好似尋日都係着呢套衫？」我望住佢同尋日一模一樣嘅裝束，終於忍唔住問。
「吓係咩？」Loraine下意識望一望自己嘅衣着，然後好似係突然間諗起啲乜嘢咁，白晳嘅臉突然間紅咗起嚟。
睇到佢嘅表情仿似就印證咗我今朝嘅猜想一樣，靚女同事同男朋友通宵連場大戰，「搞」到冇時間返屋企換衫嘅畫面又再浮現喺我腦海。
「可能我記錯啦哈哈哈！」為免尷尬嘅氣氛繼續，我主動比個落台階佢。
「……唔係呀……你講得啱呀……我係冇換到衫。」Loraine突然眼甘甘咁樣望住我，眼神有啲一言難盡嘅感覺。
「吓咁點解……你尋晚唔係冇OT咩？又會攰到唔換衫嘅？」我特登唔將內心淫邪嘅猜想講出嚟。
「我尋晚去咗男朋友度過夜。」
「！？」我完全冇諗過會喺望落乖乖女嘅Loraine嘅口中聽到呢啲嘢。
「哦，咁……唔怪得啦。」我尷尷尬尬咁答，對眼完全唔敢同佢對視。
「唔洗咁尷尬喎，我都未尷尬你尷尬啲咩。」
「邊有尷尬呀，幾歲呀，呢啲嘢好正常姐。」我隻手緊張咁RR頭。
「但係你個樣好尷尬喎！定係……你幻想緊啲咩呀？」唔知係咪我錯覺，Loraine講呢句嘅時候好似挨近咗啲。
「幻想？咩幻想呀？ 」我繼續診詐傻扮懵。
「譬如 ……幻想我同男朋友……扑嘢？」
我聽到眼都突埋，忍唔住向下望咗一眼，發現Loraine正正用佢水汪汪嘅眼神注視住我，好似要將我嘅大話望穿一樣。
「噗！玩下你咋！點知你咁認真！」Loraine突然失笑，同時大力拍一拍我膊頭。
「玩嘢咩柯小姐！點應呀！」
「但係你個反應似係真係有幻想過喎！」Loraine突然又板起臉，認真咁講，同時唔知佢有心定無意，佢圓鼓鼓嘅胸頂住咗我嘅手臂。
「吓？ 」我大大力吞咗一啖口水，大聲到Loraine應該都聽到。
「仲試你唔到？咸濕仔！乜我~真係咁正咩？」Loraine好似捉到人錯處嘅小惡魔咁用邪魅嘅眼光向上望住我。
「Errr……」面對靚女同事突如其來嘅攻勢，我表現到好似個處男咁完全唔知點反應。
「唔玩你啦！原來你都唔好玩嘅！」
「唓！我廢事亂講嘢比你話我職場性騷擾姐。」我嘗試柒咗都執返紮沙。
「咁如果係我講先咪冇事囉！」Loraine 趷高腳喺我耳邊細細講。
「見你講兩講就硬晒……駄咁，今日唔搞你啦，我搭巴士呀，唔同你等車啦，聽日再玩啦咸濕仔！」
我望住漸漸遠去嘅女同事，翻騰嘅內心久久不能平伏。
乜佢唔係有男朋友咩？？？仲咁樣引我係咩意思？？