[廣東話小說] 天工號 第一季: 6

6. 

我望住一個一路仲會跳既心臟。 
我竟然好想笑, 我頭先仲諗住要點樣處理條屍。 

o係依度講少少題外話, 可能你會覺得, 如果我係咁有錢, 我殺左人都唔使驚 
我以前都會咁諗, 好似d戲咁, 我可以冇事, 拉下關係就可以出番黎 
但係當我o係南華會樓下泊緊車既時候, 又或者再早d我o係屋企拎支手槍出黎既時候 
我開始懷疑, 如果我真係殺左人, 我應該聯絡邊個? 
唔知其他所謂「有勢力人士」有冇依個煩惱, 我發現我根本唔識d警司或者署長 





但係依家就好簡單, 唔使我處理, 亦唔使我殺佢 
孫運自己殺左自己, 仲自己處理埋自己條屍 
我忍唔住大笑, 依家應該諗既係, 下一步點做 
就咁走左去? 
我諗都唔諗, 一手拎起孫運堆衫, 包住個心臟 
然後塞晒入佢個袋度, 二話不說就離開南華會 

我一路揸車, 一路諗緊點同disa解釋孫運唔見左 
如果我直接俾個心臟佢睇, 佢只會認為我殺左佢 




我其實好清楚, disa唔會為左我放棄孫運, 佢一定會報警 
「我應該點做...我應該點做....」 

我架車開得好快好快, 我根本已經冇心情諗其他野, 我依家需要番屋企好好諗下點做 
去到碼頭位置, 我開到好快, 突然間我見到, 我架車後座坐左一個男人 
一個五十幾歲左右既中年人, 戴住一頂cap帽 
「仆街!」我嚇嚇之下, 差d撞到對頭線架車, 我即時扭呔避開 
我忍唔住大叫: 「你係邊個?」 
個中年人望住前面, 好冷靜咁講: 「我黎救你一命, 你依家望實前面, 架車繼續開, 千祈唔好分心。」 
我聽到佢咁講, 可能因為頭先發生既野太奇怪, 我咩都分析唔到, 只係識聽住佢咁做 




我到依家, 都唔知當時咁樣做, 係好彩定係唔好彩 

我架車繼續行, 突然聽到好嘈既聲, 個天黑晒, 我根本唔知咩事 
個中年人同我講: 「你繼續去, 會見到好多警車, 你一定唔可以停低架車, 你繼續行」 
見到前面有十幾架警車停晒o係度, 好多個差佬拎晒槍出黎 
但係唔係指住我, 而係指住我..........上面? 
我忍唔住, 隊個頭出去望下我上面係咩 

我呆左, 
我見到有一個男人, 企o係一架小型飛機機翼上面, 
個男人係一個阿伯, 又係一個戴cap帽既阿伯 
依個時候, 個中年人一手將我扯番入架車度, 佢大聲講: 「快d向住右手面架鐵馬撞埋去, 唔係就冇機會架喇。」 
我梗係唔會咁做, 但係個男人竟然將隻手插入我衫袋, 拎左我支槍出指住我個頭 
「快d! 撞埋去!」 
我辦法之下, 唯有撞埋去, 我睇住前面個差佬即時跳開, 然後我車頂呯一聲, 好似有人跳左落黎咁。




 
 
我無時間伸個頭出去望, 我身邊既中年男人拉住我。
「依家有咁快開咁快, 快d! 」我聽住個中年人講, 將架車開到最快, o係條直路係咁開到最快 

突然, 咩都聽唔到, 個世界好靜 
我望一望倒後鏡, 淨係見到爆炸既火光,同埋煙 
我已經開到最快, 但係都係俾爆炸既火追到 
成架車飛起, 我feel到四個轆都離晒地, 車出面個世界係咁轉黎轉去 
然後我就暈左。 

模糊間, 我唔知係真定假, 隱約聽到兩個男人講野: 
「真係好險, 走啦」 
「咁佢呢?」 
「仲未係時候, 佢仲有排, 時間到佢會黎搵我地」 




聽到咁多, 我已經不省人事。