《星空之願》(前稱:3A班死亡遊戲): 二十九、

「遊戲結算完畢。第一組勝利，一號房與二號房生還。第二組落敗，抽籤後結果為處決六號房所有同學。」

話音方落，遠處六號房傳來令人毛骨悚然的慘叫，文希、少文和迪奇的聲音混雜於電流「嗞嗞」聲中，瞬間斷絕，令人不寒而慄，空氣中又隱約傳來刺鼻的燒焦味。

一號房四人一震，永誠低頭緊握拳頭，淚水滴落。樂希掩面，細聲嗚咽：「文希……少文……」

阿偉眼眶泛紅，握住樂希的肩，低聲說：「點解要咁……」

曉峰坐於樂希的右邊下格床上，咬牙低頭，傷口隱隱作痛。





四人圍坐於床邊，為殞命的同學落淚，房內僅餘低泣與沉默。

廣播機械聲繼續響起：「離群者已處決。今日所有活動完結。所有人不得離開各自房間，直至另行通知，否則處決。恭喜存活的參加者。稍後機械人將為存活的十位提供豐富的晚餐，供各位於房內享用。祝各位有個愉快的夜晚。」

聲音停下，房內四人沉默，淚水未乾。

過了一會，房門被推開，那個熟悉的機械人推著餐車進入，車上放置著各式各樣、熱氣騰騰的晚餐：香氣撲鼻的燒雞、薯條、粟米濃湯、肉醬意粉和朱古力蛋糕，旁邊還有汽水與果汁。

四人望著豐富的食物，情緒稍稍平復。永誠拭去淚水，低聲說：「食啲嘢啦，大家都要補充體力。」他取了一些意粉，坐於曉峰身旁。





樂希與阿偉隨後取餐，阿偉說：「好耐冇食過呢啲好嘢啦。」

四人圍於樂希的下格床旁，開始一同用餐並交談。

「今餐咁豐富，通常代表聽日嘅活動一定好難......甚至可能.....」曉峰拿著燒雞肉，憂心地分析。

「曉峰，唔好諗呢啲住啦，我哋除咗身體，個腦都要放鬆下。」永誠打斷了曉峰。

「係囉，我哋抖下休息下啦。」阿偉附和。





「嗯，好啦。」曉峰點頭。

用餐到一半的時候，永誠鬼馬地問曉峰：「係喎，你知唔知我哋喺出面努力嘅時候，呢兩個鹹濕鬼喺房做咩？」

樂希與阿偉齊聲喊：「喂，唔准講。」

曉峰咬了一口燒雞，平靜回答說：「哦，我估都係做愛囉，之前我哋喺度訓覺佢哋都照做啦。」

阿偉反擊，笑說：「呀，你個白虎咁多事！」樂希羞愧地低頭未回話，曉峰臉紅，低頭吃薯條。

永誠加入調侃阿偉，笑說：「今晚你哋會唔會又嚟架？係就早啲講，我同曉峰要早啲訓，費事見到。」

阿偉邪笑，拿起汽水說：「可能會架，你哋早訓定都得。」

他們都笑了笑，在這壓抑的氣氛中享受起短暫的輕鬆。





樂希紅著臉喊道：「喂呀，唔會啦。我哋唔好講呢啲啦！」

永誠笑說：「好啦，咁你想傾咩？」

曉峰拿起湯匙，低聲提議：「咁不如大家講下自己嘅夢想啦。」

「吓，你啲話題咁old school㗎。」阿偉笑說。

「唔係呀，呢個好過你哋啱啱嗰啲好多。」樂希嘟起小嘴說。

永誠點頭，說：「好啦我講先，我夢想係成為職業籃球員，到再老啲就想轉做籃球教練，好似安西教練咁教波，帶隊贏冠軍，教出一班有心嘅球員。」他笑了笑，咬了一口蛋糕。

曉峰低聲說：「都好啱你。我就想做老師，教導知識。我覺得知識可以改變命運，想教到一班願意追求知識嘅學生。奧地利哲學家卡爾·波普爾講過，真正嘅無知唔係知識嘅缺乏，而是拒絕獲取知識。」





「又深又悶，我完全唔想俾你教，哈哈。」永誠聽得一頭霧水。

「我都唔想教你，你個腦應該得個籃球。」曉峰笑著回擊。

阿偉拿起汽水，笑說：「到我啦，我嘅夢想係咩都唔使做，日日同樂希做愛，因為樂希真係好得意好正！」

樂希臉紅，喊道：「喂，你認真啲啦，你咁樣我哋點傾計！」

阿偉攬住樂希，低聲說：「好啦，我夢想係做消防員，原因一樣，好似唔使點做，成日可以喺消防局打排球。」

眾人大笑，永誠笑說：「可能你做到就日日火燭啦！」曉峰與樂希亦笑出聲。

樂希低頭，細聲說：「我嘅夢想係……」