《星空之願》(前稱:3A班死亡遊戲): 三十一、

一號房內，深夜寂靜，永誠與阿偉的熟睡聲此起彼伏。永誠於自己的上格床上發出均勻的呼吸，阿偉於左邊下格床攬住樂希，輕鼾聲斷斷續續。

曉峰於右邊上格床上輾轉反側，難以入眠，腦中滿是樂希白日的反應。他緊握被單，終於下定決心，輕手輕腳爬下床，赤腳踩於冰冷的地板，走到樂希身旁。曉峰低頭，細聲說：「樂希，傾兩句。」

樂希半夢半醒，聽到聲音睜開雙眼，見曉峰立於床邊，他點了點頭，小心翼翼推開攬住自己的阿偉的手臂。阿偉動了動，含糊說道：「嗯……傻豬……」卻未醒來。

樂希屏住呼吸，緩緩爬出床，唯恐吵醒永誠與阿偉，跟隨曉峰輕步走入廁所。

廁所內，曉峰關上門，低聲問：「樂希，講真，係咪有咩事？你食飯講夢想嗰陣，表情好怪，同埋之前都你試過幾次無啦啦呆咗。」





樂希低頭，緊握雙手，細聲說：「我……我唔係唔想講，只係唔知點講。」

「你照講就得，我會幫你。」曉峰眼神堅定地看著樂希。

樂希停頓片刻，深呼吸後繼續說：「我成日夢到一個男仔，細粒瘦弱，五官好精緻，水汪汪嘅大眼睛，佢同我講佢夢想係有人愛佢。之後喺圖書館，我喺遊戲背心入面見過一張相，相入面嘅男仔同佢一模一樣。」

樂希咬了咬唇，眼眶微紅，聲音顫抖地繼續說：「唔單止咁……我之前同佢喺夢入面一齊喺操場睇過星星。佢同我講，喺市區都見到星星好靚，佢好鍾意，但佢講得好細聲，聲音好似女仔咁，佢話想去郊外睇星，但又怕同我哋啲朋友唔熟……嗰陣佢好似好開心，但好靦腆。」他停頓了一下，淚水滑落，細聲說：「但有啲夢境，佢好唔開心，佢蹲喺地上大喊，眼淚流滿臉，喊得好撕心裂肺，但我又幫唔到佢咁……我完全唔明白佢講咩，我好似同佢好熟，但我就係記唔起佢係邊個。」

曉峰聽後，低頭苦思片刻，緊握拳頭，似在回想什麼。





他突然抬頭，低聲說：「我記起一個同學，好似好符合你講嘅描述。佢同我哋差唔多大，生得細粒，五官精緻，好似女仔咁。上年中二開學冇耐，佢就退咗學，之後冇再見過。佢個名好特別，呀，我唔記得佢叫咩名。」

樂希同樣認真地思考。

「我記得啦，佢好似叫夏曦嵐。」曉峰激動地說。

樂希一聽到「夏曦嵐」之名，雙眼一瞪，低聲說：「曦嵐……」隨即陷入回憶之中。