壓抑: 11 對不起我愛你

可南遵從越琛的「請求」 ，撥了浩南的電話

不久，電話那頭便轉來聲音「喂？阿妹？咩事呀？」

可南開了揚聲器：「喂？哥，今日面試面成點呀？」

「幾好吖，做乜事呀？」

「你有冇講錯嘢得罪考官」





越琛拿著自己的手機打了一行字，示意可南問，可南點了點頭：「你點解無啦啦嗰日會想入呢間公司嘅？」

「你問咁多做乜呀程可南」

「我老闆話你同佢講其實你唔需要呢份工，你講嘅說話會影響我架大佬」

「你老闆唔係啲咁嘅人」

「你又知？」





浩南好像知道了甚麼，直接說：「賴越琛，你唔會為難我個妹架可？」

可南心想：你怎麼敢直呼老闆全名...我不想丟飯碗呀...

越琛聽到了自己的名字先是呆了呆，但很快便作出回應：「我唔會」

浩南繼續說：「果然係你叫可南打電話。既然你聽緊，我就講埋頭先冇講嘅嘢」

越琛像是預測到他會說甚麼，聲音帶點怯說：「程浩南，你想點？」





「本身仲諗住講一大輪嘢先入正題，既然你問我想點，咁我唯有答你，我想追返你」

可南聽到「我想追返你」，心想：不會吧？我哥原來拍過拖？所以我哥借見工名義過嚟追人？有冇人可以話比我聽發生緊咩事？！！

見越琛沒有說甚麼，浩南便又說：「你接唔接受同我追唔追係兩回事，所以唔好咁快拒絕。我唔知我做錯咗啲乜令你會同我玩失蹤，然後分手。但係我依家既然搵得返你，我就唔會再放手。」

越琛聽完這番話更想哭，她覺得自己很對不起浩南，因為分手不是他的錯，她甚至很想告訴他，他是一個100分男友。但就是因為他太好所以她才不能禍害他。

他停了停，又繼續說：「今日嘅見面，其實係由知道你係可南老闆嘅時候已經部署緊，但係佢乜都唔知，如果你要嬲就嬲我。」

越琛抽泣著說：「我冇嬲，分手唔係你嘅問題，係我嘅問題，我哋無謂再糾纏。」 說完這句話，她深呼吸了一下然後又繼續道：「你唔好喺我身上嘥時間，呢個世界有好多比我好嘅女仔，我唔值得你去愛。」不知是否覺得自己的眼淚快控制不住，她說完這句話便收線，然後拿紙巾掩蓋自己的面。在紙巾下，她用很細的聲線說了句：「對不起，我愛你」

可南還是第一次看到這樣脆弱的越琛，她忙遞著紙巾，又擔心自家老闆會哭到脱水，便用另一隻手倒水，把水杯推到越琛面前說：「唔好喊啦，飲水先好冇？」

越琛拿開紙巾，喝了一口水，哽咽地對著可南說：「今日嘅事唔好講比任何人聽，我唔想有任何人知我喊」





可南看著越琛哭到腫的眼睛，像是忘記她是自己的老闆，走到她身旁，把坐著的她抱到自己的腰，用手輕撫着她的頭，彷彿越琛是一個需要被安慰的小女孩。

失不相瞞，越琛是有被可南的舉動感動到的但不知出於甚麼心理，被安慰之後，她反而哭得更加厲害，說實話她也不知道自己哭甚麼。

越琛見自己哭得差不多，便停下來望著可南說：「對唔住，搞到你件衫污糟晒，你著我件衛衣啦」

可南看著她突然轉換的情緒，心想：也太突然了吧，但看到她剛哭完便沒有多問，接過衛衣，說了聲謝謝便穿上。