壓抑: 28 暢談 詳談(I)

越琛心虛地看著浩南然後最終還是開口說：「有咩就講啦，如果你擔心我病情我可以同你講其實我冇乜嘢，但係我講明先，唔準可憐我得唔得」

浩南見她這樣說也沒有原本那般怕便清了清喉嚨道：「賴越琛，我唔會可憐你，只會擔心你。所以可摸耳講比我聽呢幾年你點過？我缺席得太耐喇」

「你想我由幾時開始講」

「由點解決定分手開始，好冇？如果會揭返你啲傷疤就唔洗講」

「會揭，但係程浩南我做好心理準備喇，你聽完唔準喊喎，淨間又搞到我喊」





浩南點了點頭，示意她繼續。越琛閉上了眼然後開始回想...

「5 年前...5年前我爹地媽咪死咗，車禍死嘅。但係佢哋冇當場死，佢哋係喺醫院死，而且當時係我救唔返佢哋... 」 她睜開了雙眼但是沒有說話，浩南有些慌地開口：「醫生唔係規定唔可以醫親屬咩，仲有都未必係你嘅問題...」

越琛答了他的問題：「嗰日A&E 人手短缺」

然後繼續道：「其實呢個唔係重點，跟住後嚟因為呢件事連揸手術刀都手震，所以我就辭職，之後失業嘅一個月我基本上都係喺屋企，漸漸地身邊嘅朋友有啲疏遠我有啲可憐我，但係我唔鍾意呢啲感覺，然後最後佢哋就撕破咗自己表面嘅面具，最後我淨返海瑤。一個月之後我就返咗香港搞爹地媽咪嘅喪事，但係當時我已經意識到自己心理有啲問題，我驚你見到我嗰個樣會驚會擔心所以就冇搵你。搞完喪事冇耐我就返英國。返到英國之後我就睇咗心理醫生然後佢先係開咗啲安眠藥比我因為嗰陣我成日瞓唔到，睇完醫生嘅結果就係知道自己患抑鬱同輕微嘅焦慮症。證實咗自己有病，我就同你講分手，因為你值得更好你唔應該同一個病人拍拖」

浩南聽到這裡就忍不住去用手輕輕摸著她的臉頰，正想開口說話反駁她的顧慮，越琛便繼續道：「冇耐，英國都lockdown ，然後好多人都面臨失業，海瑤都係其中一個，跟住佢撩我一齊搞網店。搞網店嗰段時間其實我冇咁鬱悶，然後我就不段叫自己做嘢。後嚟我有一啲錢就開咗2PT，似中呢個都係我夢想之一。又開公司所以有係不斷喺度忙。雖然我知道我咁樣係用工作麻醉自己但係加埋藥物嘅效果其實我真係比初頭好咗好多，至少我唔會好似以前咁無啦啦因為對父母內疚而喊同對住塊鏡發癲。跟住就到2022 啦，咁打仗吖嘛咁我就整咗個慈善機構囉，其實呢度冇乜特別只係有新嘢搞我就會舒服啲順便可以幫下人。之後就係2023 年4 月，我博士畢業，心理學，所以會留意多咗關於心理健康嘅報道。嗰排香港啲青少年自殺案咁癲，而且又解封咗咁我咪諗住返香港發展囉，當返嚟宣揚下心理健康同幫人做心理輔導。好多人可能覺得我有心理病仲做心理病實在有啲荒謬，但係我想講就係因為我經歷緊，所以我知心理健康幾咁重要同有心理病會幾咁痛苦，而都係因為呢個原因所以我會開新project 去研發一啲少啲副作用嘅藥，簡單啲講就係你頭先見到嗰隻trazodone 唔係出面嗰啲咁強嘅藥，所以都係嗰句，程浩南你唔洗咁擔心」





浩南閉了閉眼，努力地組織語言，她一下子告訴他那麼多，他該怎麼回應，謝謝她為他著想而分手嗎？他做不到，又或者說其實他並不感動，甚至想罵她蠢但是他又不捨得，然後就是羨慕海瑤沒有被推開。