壓抑: 番外3 ：發現相簿後的心聲

唔知大家仲記唔記得Ep9 初次見面，最尾提到「程浩南這個名為什麼感覺很熟，應該是那裏聽過...」


--

越琛：
一直以為第一次見程浩南呢個人係year 10 喺英國，但係直至年廿八執屋見到佢細個嘅相簿先知原來真正嘅初見係二年級。

幅相係當年喺樂團影，佢坐首席位，而我只係坐山頂位。雖然大家都係拉同一種樂器但係幾乎沒有交集。但係呢幅相解釋咗點解釋點解我會喺英國嘅第一次見面覺得佢個名熟。因為喺小學嘅時候我已經聽咗呢個名兩年。呢個名喺唔同嘅早會出現過無數次，只不過後嚟呢個人已經轉校。





但係好慶幸呢個咁犀利嘅人會再次比我遇到，仲有選擇我<3

--

浩南：

嗰日賴小姐搵到幅相之後就不斷問我點解冇講過自己讀過呢間小學。 但係我認為過去嘅唔重要所以佢冇問我就冇講。

喺我心目中，最緊要嘅係現在，依一刻佢放下包伏同我一齊，喺我面前笑，我已經覺得好滿足。只要你健康快樂，那怕係當年做乜都廢嘅人，我都會鍾意你，都會因你嘅存在而感到快樂。相反失去你嘅呢幾年，我變得比以前仲頹，而且成日都覺得好空虛寂寞。





多謝你賴越琛，多謝賴小姐重新選擇我。