Severus with you: EP2遺傳與咀咒

EP2遺傳與咀咒

Anna 同左佢媽媽講呢件奇怪嘅事。佢媽媽就同Anna講左一件佢哋家族個邊嘅事。
「Anna，其實我哋家族有一個流傳左好耐嘅傳說。喺200年前左右，我哋家族嘅人同左個巫師結婚，但係佢有次同黑巫師作戰嘅時候就比佢咀咒200年內嘅子嗣會損失魔法能力。而你Anna就啱啱好係200年後嘅子嗣，所以我諗呢個唔係惡作劇，而你係一個巫師！不過呢啲嘢，我哋應該喺邊度買呢？」

就係呢個時候，有人敲門，Anna一打開門，就見到一位着住綠色長袍嘅中年女子面帶微笑咁望住佢
「你想搵邊個呀？」
「我想搵Anna Jones。」
「我就係，搵我做咩事？」
「oh 真係好啦，Jones小姐，我係霍格華茲魔法與巫術學校嘅副校長Prof McGonagall。由於妳從未接觸過魔法世界，所以就會由我帶你進入巫師世界，並購買你需要嘅物資。請問你嘅屋企人呢？」




「我係佢媽媽。你好，教授，我正想知道Anna需要嘅上課物資要喺邊買同霍格華茲喺邊。」
「很好，很好，我而家就帶你哋去啦」