［溫馨系列］綠茵邨: 第七日：決定

幾個月後嘅今日。舊屋邨綠茵邨嘅中午，總有一種特別寧靜。陽光斜斜噉灑喺斑駁牆面上，風入面夾雜住隔壁阿婆煮菜嘅香味，嗰係一種混合住醬油、薑絲同慢火燉煮嘅溫暖氣息，彷彿時間喺呢條老街行得特別慢。

Yuki同Arvin似往常咁，提住剛買嘅水果，嚟到折健屋企。水果係Yuki挑嘅，佢成日講老人家要多吃維他命，Arvin就默默噉背住袋，嘴上抱怨但都唔會拒絕。折健坐喺老舊藤椅度，手裡拿住把小扇，笑住迎接佢哋。嗰把扇已經用咗幾十年，邊緣有d磨損，但對佢嚟講，嗰係回憶嘅載體。

「嚟喇？入嚟啦，今日有咩新鮮事？」折健嘅聲音溫和，似係一杯剛泡好熱茶，唔急唔躁，卻可以令人即刻放鬆落嚟。

Yuki把水果放喺枱上，笑住講：「今日學校有個特別講座，講人工智能嘅未來，聽起嚟挺有趣。講者講，未來好多工都會被機器取代，但都有新機會出現。」

Arvin就坐喺一旁，幫折健調整電視頻道，嘴裡仲講住：「不過我覺得定係人類嘅判斷比較可靠，科技太冷冰冰喇。你諗諗，如果連醫生都俾AI嚟做診斷，萬一出錯咗，邊個嚟負責？」





折健聽住，點咗點頭，面上露出欣慰笑容。佢一直好鍾意呢對年青人，佢哋似屋企人咁，每禮拜都會嚟睇佢，

陪佢傾計，聽佢講以前故事。有時係戰場上嘅驚險，有時係年青時喺市場幫媽媽叫賣嘅趣事。佢講故事時總係帶住一種特別節奏，唔急唔慢，彷彿每一句話都經過歲月沉澱。

但今日，折健嘅氣色似係有啲差。佢嘅呼吸比起平常急促，面色亦都有d蒼白。Yuki察覺到咗，

關切噉問：「折健，你今日係咪唔舒服？」

折健笑咗笑，搖咗搖頭：「老咗嘛，難免有時會喘一吓。」





Arvin皺起眉頭：「你係咪忘咗食藥？」

折健指咗指櫃上嘅一個細藥盒：「藥喺嗰度，我剛才已經食過喇。」

Yuki行過去，拎起藥盒確認咗下，發現折健真係食過咗，但佢都唔係好放心。佢輕聲講：「我哋陪你坐一會，等你感覺好d先走。」

Arvin都點咗點頭，重新坐返折健身邊，繼續陪佢傾計，試住轉移佢注意力。佢講起最近學校嘅趣事，講起班上同學為咗爭取社團經費鬧出嘅笑話，折健聽得笑咗，笑聲中卻夾雜住一絲微弱喘息。

過咗一陣，折健嘅呼吸漸漸平穩落嚟，面色亦都有d恢復紅潤。佢望住Yuki同Arvin，眼神入面滿係感激。





「你哋啊，真係似我年青時嘅兩個細路。」折健輕聲講，「有你哋喺身邊，真係令我都很開心嘅。」

Yuki微笑噉握住佢隻手：「我哋會一直嚟睇你嘅。」

Arvin都點頭：「係啊，你可係我哋嘅折爺爺。」

過咗一陣，折健嘅精神睇落好似好多咗。Yuki同Arvin幫佢蓋好毯，輕聲講：「我哋先行喇，你好好休息，聽日再嚟睇你。」

折健點咗點頭，在佢哋離開前，輕聲講咗句：「多謝你哋。」

走出門口，Yuki同Arvin對視咗一眼，心裡都有d擔憂。但佢哋知道，只要佢哋仲喺，就會一直陪住折健，似屋企人咁。佢哋冇講出口嘅係，其實佢哋亦都從折健嗰度得到咗好多——唔單係故事，仲有溫暖、陪伴，同埋一種對生命嘅敬重。

綠茵邨嘅風依舊輕輕吹住，陽光灑喺佢哋背影上，彷彿為呢段平凡卻溫暖嘅時光，畫下柔和句點。折健坐喺律師樓會議室中，神情凝重。佢年事已高，身體狀況每況愈下，特別係嗰顆早已不堪重負嘅心臟，隨時可能停低跳動。佢深知自己時日無多，亦都明白自己必須做出一個重要決定。

律師翻開文件，輕聲問道：「折先生，您確定要將所有遺產交俾呢兩位年青人嗎？」





折健點咗點頭，目光堅定。佢嘅仔折立同女折愁，從嚟冇真正關心過佢。佢哋偶爾打嚟電話，只係為咗借錢，甚至喺佢病重時都未曾探過一次。佢已經對呢對子女徹底失望，亦都明白血緣唔代表真正親情。

「我認識Yuki同Arvin雖然只得幾個月，但佢哋比我嘅親生仔女更似屋企人。」折健嘅聲音低沉卻充滿情感，

「佢哋陪我睇醫生、陪我食飯，甚至喺我最孤單嘅時候，一直喺我身邊。」

律師沉默咗一陣，最終定係按照佢嘅意願，將遺產繼承人改為Yuki同Arvin。折健長嘆咗口氣，彷彿卸低咗多年心結。佢知道，呢份遺囑會喺將來掀起風波，但佢已經無所畏懼。「呢係我最後嘅決定。」佢輕聲講道。