［同人系列］新泥漿俠: 第一章：波比

「Boss」
竟然係非法交易 —— 而且係馬灣進行，係犯法嘅。

呢個非法組織，由一位人稱「殺手不太冷」嘅波比主理。
佢外型極度有型，戴住黑超，全身特工打扮，嘴邊仲抽住一支雪茄，氣場強大得令人無法忽視。

波比嘅非法交易網絡遍佈城市各處，包括軍火、走私畀世界各地不法份子；珠寶首飾全部係偷嚟嘅；仲有由著名偽造大師通通親手打造、價值連城嘅藝術畫作。

波比嘅貨品仿真度極高，真假難辨，連專家都睇唔出破綻。





---


點解一幢大廈會起名叫「羅浮宮」？
原因好簡單 —— 公司需要一個宏偉壯觀嘅名字去襯托形象。
波比就係聯想到羅浮宮 —— 藝術與權力嘅象徵。

「好耐無見 my friend。」
波比搭住身邊人膊頭，親切地說。





呢個人，就係偽造大師「通通」。
當然，係波比用自己研發嘅人造皮製造出嚟，連身高、表情、聲音都一模一樣。

「點呀？我啲畫賣唔賣得出去？仲有無貨剩？」
通通開口問。

「完全一件唔留！個個城中富豪爭住買呀，連阿鍾都買咗！厲唔厲害？」
波比得意洋洋，銷售技巧同仿真技術都遠超常人。

「我約你出嚟，係想同你傾吓公司下一步發展 —— 想衝出馬灣，拓展其他地方。」




波比笑言。

「真係開心，你下一步點算？」
通通好奇。

「資金我已經準備好，準備喺馬先嗰度設立據點，再逐步拓展至更多偏遠地區。」
波比話音未落，身邊嘅馬仔拎住一箱「錢」，但其實只係一本支票簿。

---



而我就係波比身邊嘅馬仔 —— Golden。
我係搵大錢嘅人，錢，係我嘅原動力。
有錢就身痕，無錢就腳痕。




利用腳力搵更多錢，就係我生存嘅理由。

係人就鍾意錢，包括我。
我覺得自己好勁，能夠做波比嘅馬仔，已經係成功一大步。
佢同通通大師嘅對話，我全程冇出過一句聲。
講真，有份參與已經好好，唔想要求太多。

「做得好，你箱入面係空頭支票。」
通通大師再補充：「開公司唔易，要集資又要上市。資金你有，市場認可就係另一回事。不過以你嘅人力物力，應該唔大問題。」

「放心，其他野交俾我搞。等公司上市之後，再交俾你。」
波比搭住通通膊頭，笑得極有自信：「我哋落去飲杯靚酒先。」

一箱空頭支票就咁隨便放係地上，波比完全唔著緊錢。
對佢嚟講，錢，多到唔知點用。





---


我獨自飲住悶酒。

有一樣好重要嘅嘢，係我老豆親自交俾我 ——

呢個係蒼海博士研究失敗嘅半製成品，因為出咗意外，變咗成裝置。
博士覺得無用，轉手賣俾我老豆。
但經我Golden手上，冇用嘅嘢都可以變實用。

所以我決定接手老豆嘅裝置。
唔一定係為咗用，只係好奇、貪得意，玩多過用。
不過真係有需要嗰陣，可能真係派到用場。





我飲到三更半夜，都仲係清醒。
好彩，聽日放假，唔使諗咁多。

我覺得我唯一比老豆厲害嘅，就係酒量。
除咗呢樣，冇乜似佢。
有時仲諗，我係咪真係佢生出嚟嘅？

「咕嚕…」
酒吧入面好多人，但冇靚女嚟搵我。
今晚仲有載歌載舞，我就一支公睇住表演。

唱歌表演係我最鍾意嗰part。

---