［同人系列］新泥漿俠: 第四章：搞作

過咗冇幾耐之後，波比又有新搞作。佢嘅新搞作震驚成個馬灣，仲要加入一項販賣毒品畀啲未滿十八歲嘅青年人。佢嘅行為，真係越來越令人噁心。

「發發發發發發……」

勝記喺波比公司嘅天台降落咗落嚟，一大班人迎接通通。佢再一次由升降機落嚟。我跟住波比左右，睇得出呢個假嘅大師對波畀嚟講，真係好重要。

「我有條財路，可以搞多一範生意。」波比張開雙手，笑住講。

「我知道啦，要搞咩毒品生意吖嘛？你係咪痴咗線呀？好掂唔掂曬掂毒品？一點就係一世㗎啦！」通通大怒，亦都唔同意波比搞毒品生意。





起碼我係佢嘅同路人。如果真係畀波畀搞到毒品生意，一定會影響埋我之後嘅前途，一定係前功盡廢。

「有多條財路搵多啲錢有咩問題？難道你唔鍾意錢咩？我呢個人冇咩原則，只係唔想同啲錢作對。咁做對我都冇益處。」波比講。

波比貪錢，貪到連自己本性都唔要。遲早都會得到應有嘅報應，只係遲或早嘅問題。

「我好鍾意錢㗎，但係錢唔係咁掂㗎嘛。有咁多財路你唔去搵？好多正經生意你都可以搞。無論點，我第一個唔會贊成你搞毒品生意。」通通道。

就算通通唔同意，波比都照搞唔誤，繼續順利進行。





「只不過係單聲畀你知，我會有多條財路。如果你肯幫手嘅話，我會分返啲用金畀你。你話你唔掂，咁就由你啦。我哋冇計傾。」波比道。

「毒品生意呢，我就唔掂㗎啦。咁你喺其他地方建立新公司，進展點呀？」通通道。

「搞到七七八八㗎啦。今日除咗毒品生意之外，就係想通知你呢個新消息。」波比道。

「好呀……我哋落去慢慢傾。」通通同波比有講有笑。

「呀邊個……有個好重嘅行李幫我拎落去樓下，唔該曬……」





通通講嘅「呀邊個」，就係講緊我。

真係激死人！竟然要做埋佢嘅阿四。不過波畀都唔在乎，我點都要再講多一次：一定要用變身裝置大有作為。今次我忍佢。不過，如果畀佢搞毒品生意嘅事，我唔會就咁算數。我一定會出盡全力去制止呢件事。

而家喺人來人往嘅城市，喺各個暗巷，有人食毒品嘅蹤影。雖然佢哋食完就會走。

點解佢哋唔喺屋企食呢？原因只有一個：因為屋企人睇住佢哋。

啲人仲食得好滋味，而且食到上癮。一傳十，十傳百，大部份後生仔都開始向波比買毒品。

「可可卡因。」眼前個後生仔已經食到非常瘦削，仲要窮到一個點。

「唔好意思喎，我哋冇可可卡因，得可卡因呀，你要唔要？」賣家直頭當佢水魚咁砌：「三千蚊一克。」

「唔好意思啦，唔好咁貴㗎咩……以前都係五百蚊咋嘛，而家要三千蚊，係咪想創咗你個心呀……」後生仔繼續用毒癮嘅語氣講。





「冇錢咪唔好食囉，有冇人迫你買……」其實係波比調高咗個價。自從知道就係一個「L」之後，肯定買唔起啦。

「我點解唔買呀？我就算死我都要買嚟食！冇錢我都會搲啲返嚟……」後生仔情緒好激動。

「冇錢落嚟搵你老豆老母畀囉。如果你老豆老母都冇錢，咁咪去借囉。但係咁喎，你去借錢買毒品，出面鏡都會是你個頭。」

其實當局都知道有毒品問題，有人去調查到底幕後主腦。雖然佢哋都有懷疑過係波比做，但係冇實質證據可以證明。

波比咁聰明，點會認係自己做㗎？

所以我一定要出一分力。話曬我有英雄變身裝置，仲唔係我獨步天下嘅時候？諗起都好興奮……

不過我就仲未知道可以由邊度入手。衰就衰在我當時冇錄低佢講緊毒品生意。如果有段錄音，警察就有證據拘捕佢……





我喺波比公司諗咗好耐。

「慘喇……要搞毒品生意，我哋一定冇運行呀。點解個天要懲罰我哋呀？」波比公司旗下好多員工，個個都淆曬底……

「唔使咁灰心嘅，萬大事有我。我點都會幫到大家……」

雖然我講呢番說話，實在令人冇乜說服力。但係講咗出嚟，我個心會好過啲。

於是，我試下搵通通，睇下佢會唔會幫到啲咩手。

冇諗過佢叫我放手唔好理波比毒品生意嘅事。我簡直覺得呢個人真係好廢。點解要搞後生仔都可以咁冷血……

咪又係，係我認知入面，有乜嘢老闆係善良㗎？應該少之又少。

每次經過波比嘅office，佢嘅額頭都鑿住兩個「勝利」大字。





通通大師叫我唔好理，咁我就唔駛再搵佢。我由另一方面入手，就係查下佢嘅貨源係邊度嚟，又或者查下有冇工廠生產毒品。畢竟不斷運貨，一定會引來警察懷疑，呢個係好正常嘅情況。