<網上交友的第一次> 憑感覺愛上你: 第八章：你是誰？

某一晚，我留喺Kyle屋企過夜，大家沖完涼就上床。佢從後面攬住我，然後傾計。我提議不如上高登睇野，之後kyle攞咗佢部

laptop上床，然後大家一齊睇。其中一個post嘅標題係『”集思廣益”我激嬲咗女友，點先氹返佢』。Kyle問我依條問題，話如

果佢激嬲我，咁佢應該點做，之後我答佢，買花無誠意，最好係親手做特別嘅野，例如相冊等等。之後佢拖到網頁最下，然後

完完整整將我講嘅野一字不漏打出嚟。

 

依個時候我發現咗啲野.....

『你叫會計仔？』我即刻望住Kyle

『係呀，做咩？個名唔好咩？』

『咁你有無改過名？』

『無呀，做咩咁問？』





我回想起有一日有人PM我，叫我估下佢係邊個，我仲以為係Kyle，唔怪得知佢問返我Kyle係邊個啦。

我即刻用Kyle部電腦上我嘅account，㩒入私人訊息個制

『無形人？邊個黎架？』Kyle問

我click返入去睇

『我都唔知，果時我仲以為係你添』





『肯定係啲高登仔見你係絲打，所以撩你喇』

『係掛』

不過...直覺話比我知，依個人應該係識我，佢究竟係邊個？