<網上交友的第一次> 憑感覺愛上你: 第十二章：你在哪？

朝早訓醒，我特意較鬧鐘到6：30起身整早餐同Kyle一齊食。太陽嘅光線穿過灰色窗簾布，示意我又係一個好日子嘅來臨。我

轉身到右邊，諗住撲上Kyle嘅身送佢一個morning kiss嘅時候，我發現床嘅另一邊係空。我即刻起身出廳，走到廁所，走到雜

物房，走到廚房，都唔見Kyle嘅蹤影。茫茫之際，潛意識話我聽叫我即刻返到房攞電話，然後call Kyle。

“電話暫時未能接通，請遲啲再打過嚟........”

Kyle嘅電話無開，我擔心佢有咩事，我就好似尋找失物一樣，走過全屋，甚至連衣櫃都搵埋。我企喺廳到，個心跳得好快，總

係有不祥預感。我諗住call 榮仔，佢係同Kyle最熟嘅同事，不過我見到咁早有人whatsapp我，我開嚟睇.....

 

佢無即時覆我，最後佢嘅上線時間正正就係6：30am，如果我當時起身即刻睇電話嘅話，或者我仲可以搵到Kyle。返到公司，

我即刻幫Kyle入紙請假，原因果欄......我唔知寫咩好，唯有寫『私人理由』。行返埋位嘅時候，Jesssica同Ada即刻撲埋嚟.....

『點啫，琴晚好唔好玩呀？』





『係囉係囉，喺Kyle屋企訓bor，實必有損失啦』

『琴日幫你頂果2份嘢，算係唔話得啦掛』

『咪係，我地琴日9：30pm先走人呀』

我苦笑咗一下，佢地一輪嘴咁我已經分唔清邊個講邊句，只係講咗句

『真係唔該晒你地，琴日幾好，我好開心』





係就係開心，不過只限琴日，凌晨12：00過後已經完全改變。

Jessica：『點啫，琴晚有無咩咩呀？』

我：『哈，唔知呢』

Ada：『你睇佢怕怕醜醜嘅樣就知啦』

怕醜？或者表面睇落係嘅，不過內心嘅我仲係好擔心Kyle，唔知佢發生咩事。琴晚嘅開心已經被今日嘅擔心掩沒。唔知點解，

我有種感覺，我發覺我對Kyle嘅身邊事還存在好多不知情，包括佢屋企嘅事。只能夠話佢有爸爸媽媽，屋企人做生意，佢係獨

生子。That's it.

佢屋企人住邊我都唔知，所以我未拜訪過佢父母，或者Kyle覺得未係時候。面對一大堆嘅工作，我已經無琴日嘅果份魄力去

做，因為我已經無推動力，Kyle嘅突然離開更加係阻礙我迅速工作嘅因素。

中午嘅時候，我同Jessica佢地一齊落canteen食飯。我無胃口，買咗份salad就坐低等佢地。

Katy：『做咩今日冇乜精神嘅你，琴晚玩得好夜呀你？』Katy買完午餐就走過嚟坐低

我：『哈，無』

Jessica依個時候好快咁走過嚟，一坐低就不停咁問我

『喂，榮仔佢地頭先話Kyle今日無返喎，搞咩嚟呀你地？琴晚你地玩到high咗玩到病呀？』

Katy：『唔怪得知今日你無乜精神啦』





我：『唔係呀，Kyle佢今朝無端端唔見咗，佢whatsapp我話有事要離開香港，後日返』

隨即我遞個whatsapp比佢地睇

Ada：『又會咁突然嘅』

Jessica：『有古怪！Kyle實有野瞞住你！』

Katy：『係咪佢屋企人有事呀，佢父母好似係喺溫哥華度住架bor』

我：『係咩？』

Ada：『你係佢女朋友佢都無話你知？』

我：『可能我無問所以佢都無講掛』





Jessica：『總之睇定啲你個Kyle啦，你地識咗咁耐連依啲野都無話你知，都唔知佢有無當你係長期女朋友添呀』

Katy：『你陣係識嚇Kelly！』

Jessica：『不過我見過咁多仔，Kyle應該ok嘅，睇佢應該唔似係玩弄感情嘅人，應該無事嘅』

Ada：『邊個無(帽)先？無定帽？』

我：『一定係無！』我好堅決咁講

Katy：『我都覺一定係無』

Ada：『啫係邊個無(帽)呀？』





Jessica：『咪無囉！』

Ada：『咁你嘅無(帽)係咪佢指嘅無(帽)先』佢指住我

Katy：『唔好嘈！總之就係無啦！』

氣氛突然停頓，之後大家都忍唔住笑咗出嚟。

開心嘅背後只不過係一笑置之，笑完又係返office帶著沉重嘅心情做野。做得我依份工真係預咗成日要開OT，有時真係有開OT

嘅好處，寄情於工作，免得返到屋企胡思亂想，用工作嚟麻醉自己的確能夠減輕對Kyle嘅思念。6：30pm，公司嘅人走咗⅓，

7：00pm，餘下嘅人走淨一半，7：45pm，Katy Ada Jessica 都走埋，8：00pm，正式得反我一個。

其實所剩低嘅工作已經完成得七七八八，要走亦都可以，不過我又真係唔想返屋企住。喺office坐，發下吽哣，雖然燈光已經

熄咗一大半，但係我又唔會驚，應該係話唔識驚。係我發下吽哣，諗緊啲人生嘅嘢，我個電話突然響起。

Private call

通常依啲電話都係玩人，所以我唔會聽。電話突然間又響，不過係whatsapp來信息嘅聲，我由上面推下個mon，原來係Kyle。
電話已再次響起....

『喂，Kyle，你去咗邊呀！』

『唔駛擔心我，屋企人有啲事啫，對唔住呀，要你擔心我』

『訓醒突然間唔見你，搵勻全屋又唔見你，幾驚你無端端會離開我，你會返黎架可？』

『當然，後日嘛，無事嘅，我返黎再同你傾，電話費貴呀』

『好喇，咁你小心啲啦喎，bye bye』

『bye bye』

我唔捨得cut Kyle線，唯有等佢cut…….

『Kelly？』

『Kyle』

『做咩唔cut 線呀？』

『你cut線啦，我唔捨得cut』

『咁好啦，返咗屋企未呀你？』

『未呀，仲喺公司』

『好夜喇喎，得你一個？』

『係呀，我就走架喇』

『記住搭的士走呀，依家咁夜，又無人送你返去』

『得架喇，你收線啦，電話費好貴架』

『咁你返到屋企whatsapp我喇喎』

『嗯 ，byebye』

『bye bye』 
 








———————————————————————————————————————
唔好意思，由於依幾日我有啲事，心情唔係幾好，所以無乜心機寫文。依篇係我最後嘅存貨，
我會盡量收拾心情，希望過多2，3日可以出到文比大家。
———————————————————————————————————————