<網上交友的第一次> 憑感覺愛上你: 第二十一章：－諗唔到叫咩名－

（以下我將會以第三者敘述） 

Wilson：『喂？Kelly，幫我一樣野』

Kelly：『咩呀？』

Wilson：『Christy生日，唔該幫我揀份禮物比佢，之後我比返錢你』

Kelly：『做舅父嘅買禮物好心你就親身揀，親身買啦，點可以假手於人呢？』





Wilson：『我都唔知細路女鐘意咩，我只係識barbie咋，但係佢都大把啦』

Kelly：『最多我幫你睇下眼囉』

Wilson同Kelly相約於星期日喺旺角行精品店，佢地一路行一路傾緊應該買啲咩類型嘅玩具比Christy，教學型？可愛型？扮靚

型？當佢地傾得好投入嘅時候，突然有幾個人行緊佢地身邊。一個記者，一個攝影師，仲有一位工作人員......

記者：『先生小姐，你地好呀，我地係XX日報記者，可以做個訪問嗎？』





Wilson，Kelly突然嚇到企咗喺度，記者見佢地無反應，就即刻問佢地問題，怕醜嘅Kelly一見roll咗機就好快躲喺Wilson身後。

記者：『請問平時你激嬲女朋友，你會點樣氹返佢？』

面對咁嘅問題，無女朋友嘅Wilson都唔知點答好
『下？um….say sorry囉』

記者：『咁你會言語上定物質上氹返女朋友開心呀？』

由於Wilson最近一次拍拖係4年前，佢都已經唔記得




『er……太耐唔記得啦喎』

記者：『女朋友呢？你男朋友有無氹過你呀？』

記者嘗試問Wilson身後嘅Kelly

Kelly心知道依個記者誤會咗佢同Wilson嘅關係了，但佢冇理由喺鏡頭前澄清，咁樣做會令Wilson好尷尬嘅，聽完記者問題，

Wilson個頭擰去望住Kelly，唔知點答嘅Kelly唯有不斷揮手之後話『我都唔知呀』然後繼續躲喺Wilson身後

記者：『好善忘嘅一對情侶喎haha，唔該晒你地』

好快，記者就離開咗，而Wilson，Kelly終於可以鬆一口氣，不過好快Kelly又緊張起嚟

Kelly：『死啦，我地係咪上咗鏡？咁好多人咪會見到我地？』





Wilson：『你一直都躲喺我後面，影到你咩？你驚我地識嘅人以為我地拍拖呀？』

Kelly：『我好似露咗一秒樣......又唔會驚嘅，最多同佢地解釋返囉，我係怕上鏡啫』

Wilson：『應該唔會掛，我地答咗等於無答，佢地應該會cut咗我地掛.....死啦，琴晚唔夠訓，有黑眼圈添，真係擺左上網都唔知點算』

Kelly：『haha，好彩我最多只係露咗一秒』

Wilson此刻鄙視Kelly，但Kelly無理會到佢，繼續笑Wilson。

Kelly Wilson 行到一間有賣玩具嘅舖頭，2個大細路一見到啲玩具就噤下佢，又拎上手試下啲質感，佢地同樣面上帶著同啲細

路一樣嘅表情，充滿童真嘅笑容。Wilson走到店舖嘅盡頭，發現一個坐立式神奇畫板，依個玩具同以前果種畫完即掃走有啲相

似，但唔再只得黑色，而多咗藍色，紅色同綠色。Wilson覺得依個玩具幾特別，就叫Kelly走去比下意見。

Wilson：『你覺得依個點？佢保留咗舊式畫板嘅特色，但係又加插咗新嘅顏色，仲有幾塊板可以等小朋友照著畫，唔錯呀可？』

Kelly：『幾好喎，我見依家啲小朋友好少玩依種畫板，嗯，就買佢啦』

Wilson：『好，咁我同個職員講要一個先』

Kelly：『嗯，我再睇多陣』

Kelly見到有個玩具幾特別，個名叫做 多啦A夢百寶箱，個簡介介紹個箱入面係裝住多啦A夢嘅法寶，Kelly一見到就鍾意，佢醒起Chhristy

鍾意睇叮噹，所以佢決定帶埋個玩具去收銀處比錢。

Wilson：『咦，你買嚟送比邊個？』





Kelly：『Christy囉』

Wilson：『下，點好意思呀，你只係見過佢一面』

Kelly：『我見佢上次咁唔捨得我，又咁鍾意痴我，我都好鍾意Christy呀，咁咪買份禮物比佢，等佢記得我囉』

Wilson：『如果你做阿媽實會寵壞自己啲仔女』

Kelly：『先唔係，我會獎罰分明』

買完禮物，剛好係下午茶時間，正當佢地喺商場入面搵緊野食嘅時候，Kelly撞到佢嘅中學好友，數下手指，最近一次同佢

gathering已經係年半之前，佢地撞到即刻攬埋一齊，超興奮。





Kelly：『我地去食下午茶，不如一齊？』

JJ：『咦，你男朋友呀？』

Kelly：『唔係』『佢咪係威廉王子囉』細細聲咁講

JJ驚訝到O咀，然後向Kelly奸笑，並且碰咗左臂佢一下

入咗間中式餐廳，坐低後.....

Kelly：『你地自己介紹自己啦』

JJ：『Hi！我叫Jade（女）！』

Wilson：『你好，我叫Wilson』

一路食，Kelly 同 JJ都有講有笑，JJ仲向Wilson爆Kelly啲中學料

JJ：『你知嘛，想當年中五我地個級去星加坡旅行，咁就有幾個小六嘅學生跟埋嚟嘅，其中有個細路幾靚仔，Kelly竟然話鍾意果個小六靚仔學生，haha，咁我地咪落手落腳幫佢偷影個男仔囉』

Kelly：『喂！果時講吓笑啫！邊會真係鐘意個小六學生先得架』

Wilson：『haha估唔到你有戀童癖』

Kelly：『咩呀！咪聽佢亂噏啦』

JJ：『中學畢業之後，Kelly就去咗英國讀書，佢果時仲開始寫故比我哋做生日禮物，佢啲故初頭又真係寫得幾差嘅，但係第3篇又唔錯喎，呢，個男主角咪係......』

Kelly踢一踢JJ隻腳，之後好細好細聲咁講：『喂！咪爆出嚟呀！』

Wilson：『個男主角係？』

JJ：『秘密！haha』

JJ就繼續爆Kelly啲野，不過講多幾句已經被Kelly停口，食到差唔多尾聲，JJ突然用手指2下篤個枱面......

JJ：『阿威廉，er唔係，阿Wilson，你做緊咩工呀？』

Wilson：『小弟係Marketing assistant』

JJ：『ohh，唔錯吖』

Kelly：『我去廁所先』之後Kelly再一次細細聲鄭重JJ：『警告你咪講呀！』

JJ隨即向Kelly show個OK手勢