<網上交友的第一次> 憑感覺愛上你: 結局篇：歷史重演？

  ↵自從我發覺再次鍾意Wilson之後，為咗更了解佢，就每日都留意無形人喺高登嘅足跡。佢過去三個月所發過嘅post同留過言嘅

post，我都逐一喺個半鐘頭內睇晒。其中我發現一個佢留言嘅post令我好沮喪，我成個人突然變得好低落。佢留言嘅內容同當

年嘅有7成相似嘅地方。我曾經向Wilson講過，我知道點解佢會無端端唔再搵我，因為我發現當時佢係高登留言話佢喺DSE考

英文speaking時識咗個女仔，期間佢地會抽時間同對方whatsapp，放榜之後，佢地更傾得密咗，最後一齊約過出街。Wilson

仲曾經嘗試拖佢手，不過可惜失敗，比個女仔fing開隻手。佢地最後發展成點我唔知，因為當時Wilson已經無再講任何





野。今次，我所見到嘅留言係咁： 

我都無女呀Hi :o) :o)
最近我喺公司嘅營業部門發現咗一個新來嘅女仔，
咁啱食飯時間比我喺附近餐廳撞見佢，我地相認後，我成功抄佢牌，
由果日開始我多咗同佢whatsapp，有一日佢仲約我出去食糖水，
我埋咗單之後我地喺附近散步，我借啲意將我隻右手擺近佢隻左手，
雖然我無諗住拖佢手，但最後佢好似有意無意縮開咁。SOSAD :o)
我送到佢去搭車，之後我地繼續whatsapp。喺嚟緊嘅美食節佢約我一齊去，
其實我係咪俾人當咗做兵SOSAD :o) :o)





 睇完依篇留言，我心情真係好失落，我怕歷史重演，Wilson識咗個新女性朋友會再次唔理

我依個舊朋友。我絕望到希望聽慘情歌嚟配合情緒，我一邊聽一邊唱.....




 唱到中途，自己竟然傻到喊咗出嚟，估唔到自己對暗戀都咁認真，見人地同第二個女仔有緊密嘅聯繫就好似失戀咁。無辦法，

我承認我係一個好敏感嘅人，明明個女仔應該只係同Wilson朋友關係，但我就諗到佢地做咗情人，以致我就好似失暗戀咁。當

初以為人地陪咗我成晚，心諗佢咁緊張我，自己就已經其後開心到暈。或者佢只係當我係佢嘅好朋友，所以先咁夜特登嚟搵

我，關心我.......




 此刻嘅我好想搵人傾計，但我唔想搵Katy，亦都唔想搵Ada，Jessica。我喺whatsapp個contact list碌一碌，唯一可以傾嘅人應

該係遠在英國嘅表哥。

 唔知係咪我過份敏感，Wilson佢依幾日都無搵我，不過咁有係嘅，佢又唔係我邊個，不過見佢嘅whatsapp成日都online，或者

個 last seen係幾分鐘前，我就會聯想到Wilson同個女仔無時無刻都whatsapp緊，一諗到依度，我個心就不是味兒。講真，whatsapp嘅last

seen真係令好多人唔開心過。