森の浪人去旅行 Season 2 米蘭篇 （Update ：20250718 #9）: 森の浪人去旅行 Season 2 米蘭篇 #8 20250711
森の浪人去旅行 Season 2 米蘭篇 #8讀者須知：
1. 本物品內容可能令人反感;不可將本物品派發、傳閱、出售、出租、交給或出借予年齡 未滿18歲 的人士或將 本物品向該等人士出示、播放或放映。
2. 讀者必需年滿18歲。
3. 本作品純屬故事創作，人物、插畫、故事完全虛構。
讀者責任：
1. 請支持原創。
2. 歡迎讀者到 Patreon、Instagram留言。
3. 請以Patreon登入gmail，發一個訊息列明，如「希望得到第五集。」，以便管理、多謝合作。
紙言只有純文字，Patreon 會有 文字＋插畫
Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員，並以同一gmail send 一個message 畀我，列明要求指定內容。
森の浪人去旅行 Season 2 米蘭篇 #8
七號倉原來唔喺呢間別墅，於是我同Durante 又被押上車。Greta 就喺前面嘅車，我哋兩部車一齊向七號倉進發。
Durante 全程無出聲，一定係為自己連累咁多人嘅事而內疚。我又諗，好彩Rosa 唔喺度，如果唔係…
又過咗一段車程，我哋又再向深山方向前進。落車嘅時候，已經係黃昏。
呢度嘅氣氛異常陰森，唔單只無人，就連動物都無，偶然有啲風聲。我哋向森林行咗一段路，眼前就出現一間石屋。呢間石屋唔似係現代建築，而且裝修破舊，不過佔地面積相當大。呢間唔係就係七號倉啊嘛？
我同Durante 要喺外面等，等佢哋安置好Greta之後先可以入去。
入到裡面，一盞燈都無，黑幫手下都要開電筒、手機照明，而且完全估唔到Greta 畀佢哋送咗去邊。
我同Durante畀人困咗喺一個似係尾倉嘅位置，呢度反而有少少石窿，可以透到少少自然光。
Enzo又挑釁我哋：哎呀，叫你哋沉晚爽埋佢㗎啦！今晚點啊？
我：…
Enzo：哈哈，嗱，你哋兩兄弟，喺度做咩無人知嘅，OK？你哋自己攪掂喇。我就聽order，睇下今晚排第幾，哈哈，Casper對好好㗎，通常下個就到我。唔…諗起條靚女對波就扯旗添。
Enzo又同Durante 講：Casper 好無手尾㗎，玩完條女就咁就走，不過，你放心啊，我會抹乾淨先玩㗎，玩完會再抺一次。唔…但係，我就唔知下個兄弟有無咁好手腳喇。哈哈！
Enzo睇下手錶，又講：哦！咁我諗我要快啲返去喇！bye！
呢條仆街仔，爆你大鑊你就仆街！
呢個時候，Durante一定畀我更嬲，因為家姐、女朋友都落入黑幫手中。
天色漸黑，我開始見唔到Durante 。突然，喺七號倉嘅另一方傳嚟女人嘅尖叫聲。
我：仆街！Greta ！
我雖然綁住手，但都極力衝撞鐵閘。我衝咗幾下，又再傳嚟幾下女人嘅尖叫聲。
我覺得好無助，不斷叫「仆街！」
突然，Durante同我講：叫聲唔係Greta。
我愕然：吓？
事實上，Durante 喺七號倉之後一直都比我冷靜，佢話叫聲唔係Greta，咁唔通係Gianna？又咁講，呢一刻嘅我可能會比Durante 更加熟悉Gianna 嘅叫聲，我真係唔覺得係Gianna 。
Durante 又講：Mori，有啲嘢，趁而家要同你講。
我已經有心理準備，Durante應該係要同我講Gianna 同我講嘅嘢：…
Durante ：呢把聲，係嚟自莎拉女巫㗎。
我：莎拉女巫？
Durante：我做嘅唇膏公司一直都畀Casper 控制，呢點好早我就知。自我擔當唇膏研發開始，Casper 就將唇膏生產嘅秘密逐一透露畀我知。佢一直好信我，我都幫佢賺過唔少錢。直到「小女巫」嘅出現…
我：「小女巫」？
Durante：「小女巫」係一種勁賺錢嘅粉紅唇膏，我最初以為粉紅色嘅魅力令佢大受歡迎。大約半年多前，當時，Gianna 啱啱入職，佢喺門市做嘢時候，將小女巫搽咗上嘴唇，我就畀佢吸引住。
我：…
Durante突然問我：Gianna 好靚啊呵？
我有啲唔好意思回答，怕畀佢識穿我已經同Gianna 上過床。
Durante：嗰時，Gianna對我...都有啲意思。有一日，佢...喺門市，搽咗「小女巫」之後，𡃶咗我一啖。我成個人企咗係門市，唔識得郁。當然，喺門市，眾目睽睽，我哋都無做咩。嗰晚，Casper 咁啱就係要帶我去睇小女巫原材料嘅日子。
我：…
Durante：嗰次係我第一次嚟七號倉。Casper 將莎拉女巫介紹畀我識。嗰日，我就有一種好奇怪嘅感覺。
我：奇怪嘅感覺？
Durante：唔知係咪嗰日下畫畀Gianna 𡃶過，嗰日…我異常興奮。
我：…興奮？
Durante：唔，我見到莎拉女巫嘅時候，覺得…佢好靚。嗰日佢著住一件白袍，真係好靚。
Durante ：成個倉都唔見莎拉女巫。於是，我兜咗去七號倉後面。原來後面係一個水池，莎拉女巫佢送走咗我哋之後，原來…原來佢喺度沖涼。
我：…
Durante：我見住莎拉女巫將白色長袍解開…長袍輕輕滑下，我就見到莎拉女巫美白嘅背部。當時嘅我突然明白，只有咁靚嘅女巫先可以製造出小女巫呢種咁有魅力嘅唇膏。
我：…
Durante ：我控制唔到自己，我...
我：…
Durante：我...
我見Durante「我」咗幾次都「我」唔出，我就講：得喇，明喇。你強姦咗佢。
Durante無否認，只係不斷摷自己個頭，非常懊悔嘅表情：我真係控制唔到自己！
講真，呢種歐陸風情嘅凡人與女巫嘅野戰情節，又真係幾好睇嘅。分別只係，而家唔係睇緊pornhub，而係身邊有人真係發生咗咁嘅事。畀著我，我都唔知會唔會把持得住。不過，等陣先，唔通我要認同女巫嘅存在？
Durante：我犯咗呢個錯...
我唔敢judge Durante，作為男人，我反而多少想喺呢個時候安慰佢。美女當前，真係好難忍。
不過，Durante唔係呢個意思。Durante：我完事之後，莎拉女巫好似變咗另一個人咁！
我：...
Durante：原本優雅、被動嘅莎拉女巫，完事之後，佢...佢唔畀我走。
我：... ？
Durante：佢要我繼續...
我：吓？
Durante：結果，我又同佢做咗三次。然後...然後，我就發現，我哋將本來清澈嘅水池，變成咗一個黑水池！
我：黑水池？
Durante：清澈嘅水池變成黑水池！莎拉女巫完全變咗另一個人！莎拉女巫嘅雙眼變成紅色！然後...然後，佢就對我施咒！
我：吓？
Durante：呢個咒語係要我呢個令莎拉女巫破界嘅男人一世要聽佢嘅命令。我本來唔信㗎。
係啊，係女人都識落呢個咒啦，點信啊？
Durante：但後來我發現，每次我同其他女人即將要做愛嘅時候，我都會不由自主咁失去做愛嘅興趣同埋能力。
哦...咁又同Gianna講嘅嘢夾喎。
Durante：我只有對住莎拉女巫，先可以正常...
我：...
Durante：不過，莎拉女巫之後就生產唔到小女巫嘅原材料。所有嘅小女巫嘅原材料都變成深黑色，就係黑女巫嘅原材料。莎拉女巫生產黑女巫嘅原材料快好多，每星期都有幾轉產量。Casper開頭仲以為係一條新嘅產品線，所以，佢改咗「黑女巫」呢個名畀呢隻唇膏。不過，呢隻深黑色嚇驚咗好多客人，可以話，黑女巫係一種叫好唔叫座嘅產品。有部份客人話黑女巫嘅催情功能幫到佢哋，但係只屬少數上咗年紀，缺乏性生活嘅人會鍾意黑女巫。於是，Casper要我走返小女巫嘅產品方向。
我：...
Durante：但係...我已經無晒小女巫嘅原材料喇。Casper後來知道咗我同莎拉女巫嘅事，佢捉咗莎拉女巫，逼佢要重新生產小女巫嘅原材料，同時威脅我要攪返掂單嘢。
我：...
Durante：我都好想救返莎拉女巫...係我累咗佢。
唔好呃我，有個技術問題一定要解決。
我：莎拉女巫唔可以用巫術幫自己解圍咩？
Durante：我都唔知，不過，極有可能嘅係，Casper係搵咗另一個女巫施咒，鎖咗莎拉女巫。
嘩！件事越嚟越複雜。
我無再喺Durante嘅故事上面問問題。只係嘗試冷靜落嚟，諗諗而家可以做嘅事。
我：我哋要出返去！我哋要救Greta！
Durante雙目無神：多謝你啊Mori！喺我嘅立場，無論如何，我會先救你，你係最無辜嘅一個。
我：唔係！唔只我！我哋要救Greta！我哋救咗Greta，再去救Gianna！
Durante：救Gianna？唉，你話我無用啦，我救唔到Gianna。你估佢哋而家做緊乜啊嗱。
我：...
Durante：有啲嘢，我可能畀唔到Gianna㗎喇，我只係希望佢哋唔好太過份。
我聽到Durante咁講，其實想打佢一身，而家係輪姦喎，你講到好似Gianna有得爽咁嘅！不過，Durante呢個講法，多少幫我嘅罪疚感解咗一下圍。
Durante：Mori，你睇，呢度咁殘，要離開呢度其實唔係咁難。
我根據Durante嘅講法，觀察周圍，的確，石牆、䥫閘其實都係流流地，大力搖嘅話，組合嘅位置係搖得郁嘅。
Durante：問題係，出面有人守住，佢哋仲有槍。
深夜，難得外面嘅人真係咁盡責咁𥄫實我地，令我覺得完全無機會行動。
呢一晚，我哋就聽住莎拉女巫嘅叫聲渡過。
森の浪人去旅行 Season 2 米蘭篇 #8 - 完
Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員，並以同一gmail send 一個message 畀我，列明要求指定內容。