或者，唔係一個你中意既故事 (重製): Ch.3

我同你既相遇係中四個年
個年無咩特別，無漂潑概大雨，無躁動概颱風 淨係有夏天獨有既炎夏
無以上既大災大難 咁就準時開學啦！

九月一 真係好熱 !
成個暑假都係到打機既我連自己最後入左咩選修 咩班都完全唔知
我搵到一個分班既公告板, 打探到我係C班
但係同班同學既名我係到讀左三年都未見過既名

由於天氣真係太熱 仲少少人性既校長決定 取消早會 ＃真係大恩大德!

所有學生 可以直接上自己班房。中四係4/F  中學生一係讀書叻  一係運動叻
我算係運動叻少少啦 
行完4層樓梯  40度既天氣 當然都出晒汗我去到班房最後一行  近冷氣既位  吹住自己等班主任上黎
正當我享受人間溫度時  突然有把甜美細細聲問我：「爽唔爽阿？」
我:「爽啊～」面對住冷氣然後嗰把聲吸埋一口氣~
聲量提升1000％：「爽完！你仲唔死開！」同時仲用力拍咗我背脊一下
我痛到成個人呆住 快速轉身一望
見到一個中分髮型、眼大大  綁住馬尾既女仔企係度我再望真啲左右  望一望佢兩隻腳中間  睇下有無人係佢後面
我就見唔到有既「喂，望咩阿！」

我:「請問小組，知唔知邊條仆街打我背脊！」
我反手摸一摸自己火熱既背脊佢拉住我啲頭髮  面逼近我「係本小姐！你係咪有意見？」
我:「嗯……應該無掛？」我心諗依條友係咪痴線？不過見係靚女就算啦
「無！咁仲唔行開！」#真係唔發火 當我Hollo Kitty我望一望自己入邊既位置，心諗依個單位你買咗？
再望一望後面枱……好逼…
我坐返直 用雙手手掌向天示意我同枱之間空出10CM
用行動黎表示我已經死開左。心諗:佢會知難而退～(係我太睇少佢)

佢「嘖」咗一聲  用 patpat 差少少貼上我塊面既距離行左入去
仲要最後踏我一腳 (正確黎講佢條裙已經輕觸到我塊面)

我細聲咁叫左下:阿! (而佢一臉事不關已咁開始散熱)
正當我一臉What the fuck？
一邊回想點解女仔出完汗都係咁香？（佢條裙係經過我個時候聞到）

班主任：「大家早晨～大家快啲交手冊之後去開學禮喇」
女魔頭有所動作之後 我注意力又回到女魔頭枱上手冊

「詩童彤~」我一字一字咁讀出黎：
彤：咩料阿 加送一個厭氣眼神
Hollo Kitty：「我係咪邊到得罪你？」我單手托住頭望住佢一舉一動
彤：「天生係咁惡架！得唔得阿？」
Hollo Kitty：「得～ 張相幾照得幾靚啵」 正當佢要貼學生相個陣
彤：中意阿 送張俾你 唔好再煩我！

就係咁佢拋左一張佢學生相俾我 當日就真係無再同我講野

​​​​​​​當下我都係將所有野收入櫃桶就算，無太在意副張相