［科幻x搞笑］英雄再戰聯盟第一部曲：重遇者: 真。疾風女俠1：冰火對決（上）

-
伸敏兒同探險隊

探索古堡

佢哋要搵嘅係歷史遺跡——綠光寶石。

因為呢粒綠光寶石擁有神秘力量，雖然呢種力量唔係人人都可以駕馭得到，但係佢哋點都要試一試，睇睇自己係咪果個「天選之人」。

聽講，綠光寶石曾經喺遺跡古堡出現過，而果度長期住咗一位老人，而果個老人就係——伸敏兒。





原本古堡係冇人住嘅，因為伸敏兒同探險隊一齊去古堡探索嗰次，探險隊嘅人全部都……唔好講咗，總之就係冇人返到嚟，淨係得番伸敏兒一個。

而家佢仲係度住緊，就係因為仲未解開呢個「綠光寶石之謎」。


11月28日

Daddy 秘密武器所





位於中市心嘅酒吧街，果條街朝早係冷冷清清嘅，鋪頭都唔開門。
因為係朝早嘅關係，所以酒館仲未開。我哋嘅酒館開放時間係傍晚 6 點到第二朝 6 點，只係得 12 個鐘頭，但係每日嘅生意都係好旺場。

位於酒館地下室，就係我哋嘅秘密武器所。
呢個武器所係唔可以對外開放嘅，只可以招待熟客。
阿月 Daddy 同政府都有密切聯絡，政府唔時都會搵佢哋幫手，借啲武器出嚟。

武器所好大，隔離就係酒架，存放咗好多酒類，包括由根原空運過嚟嘅葡萄酒，呢啲酒喺市面上係買唔到嘅，只有我哋可以擁有。
除非你飛去根原，唔係嘅話，一般人係品嚐唔到嘅。





我係 Daddy 嘅女，叫阿月。

我係一個好有勇氣嘅女仔，身型都算標準，樣都算唔錯，有人追過我，不過因為性格關係，所以拍拖唔耐就散咗。
自從之後，我就冇再搵新對象。

呢一日，我隨 Daddy 落去武器所。
內面有齊各種各樣嘅武器：刀、劍、弓箭、十字鎬、斧頭、槍、棍，甚至盾都有。

有啲掛係牆上，有啲好似啲標本咁，鑲咗係檯面。

「今日真係大開眼界……」我邊睇邊驚訝咁話。

Daddy 就拎起一把刀，邊睇邊講：「呢把係日本式武士刀，刀身比較長，而且相當聚手，以鋼鐵製造。呢把刀係德村自己用過嘅，係呢度嘅珍品。」

佢將把刀掛咗係牆上，用個架鑲住。





所謂「遠看不可褻玩焉」，邊個敢去掂佢？Daddy 都唔會放過你。

「之後有劍、有弓等等，不過呢……」Daddy 突然轉頭睇住我，「我想送把弓箭俾你做生日禮物，有需要時就可以用到佢。」

武士刀下邊就係弓箭大櫃，滿裝一把把弓箭，每把都有唔同名堂。

「多謝 Daddy……」我邊講邊望住櫃，因為我對弓箭都唔係好熟，所以揀咗一把比較輕巧嘅。太重嘅我拎唔起，咪搞我。

「既然你揀好咗弓箭，以後你就係呢把弓箭嘅新主人喇。」Daddy 說完，嘴角微微上揚，好似好滿意我嘅選擇。

「知道 Daddy……」

離開咗酒館地下嘅武器所，上番地面。





Daddy 介紹完各種武器之後，就話想我學下自衛術。
我從細就一直想擁有一技傍身，而家終於可以一展所長。

以我嘅智慧，好快就可以登上巔峰……

就係呢一個星期

Daddy 搵咗個人幫我練習，佢就係 Daddy 嘅細佬，我叫佢**叔叔**。

我從細對武力都無咩研究，因為我覺得女仔應該由男仔去保護。
而且我對歷史有啲興趣，經常去圖書館查書。呢個興趣唔係每個男仔都啱，通常都係我自己一個人去。

叔叔呢位，有跆拳道三段，黑帶三段，一般人同佢打交，係唔會打得贏。
叔叔份人又好隨和，唔鍾意勉強人。而我就係咁，只要我想做某件事，肯訓身，我一定會做好佢。
就好似自衛術咁。





「自衛術，有時要配合用腳踢、用手打，或者摔跌敵人。以後遇到咩事都可以一技傍身，哈哈哈……」叔叔講完，仲笑咗一聲，好識講笑。

「有時候，唔一定要做進攻嘅果一個，做防守型，睇定敵人方向再進擊都未遲。」

話音未落，叔叔突然捉住我腰，輕輕咁就將我摔咗落地，呢個係示範。

我咁細隻，一落地就「哎呀呀」咁叫，仲跌到個屁股痛。

「唔係咁誇張啦，阿月，你係練自衛術，唔係拍動作片。」叔叔笑住話。

「我……我係初哥啦！」我紅住面反駁。

叔叔同我練習嘅時候，會就住我，因為我係初哥。等我練熟咗再教我新野。





我牢牢記住係腦海裡……

「估唔到進步得咁快。」叔叔讚咗我一句。

雖然我有啲怕羞，但我都唔會驕傲。我仲會繼續努力，成為最強！

「我會繼續努力嘅……」我認真咁話。

叔叔拍咗拍我膊頭，為我加油。

但願如此。

就係咁，呢一星期嘅練習過咗去。